Pradstaŭlalisia kiraŭnikami i patrabavali hrošy. U Minsku zatrymali telefonnych afierystaŭ, jakija pracavali pa chitraj schiemie
Na chitryki złamyśnikaŭ u vieraśni trapili supracoŭniki dźviuch homielskich kramaŭ. Spačatku zahadčyca punkta pa prodažy kaśmietyki pieraviała nieviadomym 600 rubloŭ, a zatym rachunak ich bankaŭskaj karty na 1250 rubloŭ papoŭnili realizatary adzieńnia, posudu i dekoru dla doma. Tady pa hetych faktach śledčyja raspačali kryminalnyja spravy, paviedamlaje pres-słužba MUS.
U abodvuch vypadkach vykarystoŭvałasia adna schiema «razvodu». Toj, chto telefanavaŭ, pradstaŭlaŭsia dyrektaram handlovych sietak, jakim naležali kramy, i patrabavaŭ u piersanała pieravieści hrošy na kuplu rekłamnaha abstalavańnia. Kali ž rabotniki zadavali ŭdakładniajučyja pytańni, abanienty prosta kidali słuchaŭku.
Syščyki Homielščyny praviali maštabnuju pracu i ŭstanavili asoby padazravanych. Adnak da taho momantu jany źjechali ź Biełarusi. Vyjści na mierkavanych afierystaŭ udałosia ŭžo 11 śniežnia, kali 33 i 30-hadovy mužčyny pryjechali na aŭtamabili ŭ Minsk. Zatrymlivali ich padčas zasialeńnia na zdymnuju kvateru.
U ciapierašni čas pravaachoŭnymi orhanami ŭstanaŭlivajucca inšyja epizody supraćpraŭnaj dziejnaści padazravanych. U pryvatnaści, jany mohuć być datyčnyja da anałahičnych złačynnych schiemaŭ u Minsku i Oršy.
Ciapier čytajuć
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2222
Kamientary