Paŭnočnaja Kareja płanuje pryniać žorstkuju palityku ŭ dačynieńni da ZŠA, u tym liku admovicca ad pieramovaŭ pa denuklearyzacyi. Pra heta stała viadoma ad krynicy ŭ Pchieńjanie, paviedamlaje CNN.
Surazmoŭca telekanała padkreśliŭ, što novyja miery pavinny stać «kaladnym padarunkam» Vašynhtonu, jaki abiacaŭ padnieści Pchieńjan. Pa słovach krynicy, Paŭnočnaja Kareja źbirajecca ŭmacoŭvać svoj status jak dziaržavy, jakaja vałodaje jadziernaj zbrojaj. Pry hetym adznačajecca, što KNDR naŭrad ci stanie vypraboŭvać balistyčnuju rakietu dalokaha dziejańnia, pakolki heta moža nanieści škodu adnosinam z Kitajem i Rasijaj - dvuma važnymi handlovymi partniorami Pchieńjana.
Śćviardžajecca, što Pchieńjan taksama nie budzie sprabavać asłabić sankcyi z metaj dasiahnuć ekanamičnaha raźvićcia. Zamiest hetaha respublika budzie nacelena na samazabieśpiačeńnie.
Krynica CNN dadała, što lidar KNDR Kim Čen Yn zaniaŭ «čakalnuju pazicyju» z-za impičmientu prezidenta ZŠA Donalda Trampa. Telekanał tłumačyć, što Pchieńjan nie žadaje zaŭčasna zaklučać uhodu z amierykanskim lidaram, kali vialikaja vierahodnaść jaho parazy na prezidenckich vybarach 2020 hoda.
Ciapier čytajuć
Siostry Hruździevy dramatyčna raskazali, jak ich vykinuŭ za dźviery ministr kultury Rusłan Čarniecki. «Jak sabak»8
Siostry Hruździevy dramatyčna raskazali, jak ich vykinuŭ za dźviery ministr kultury Rusłan Čarniecki. «Jak sabak»
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi22
Kamientary