Sinod Ruskaj pravasłaŭnaj carkvy ŭ čaćvier vyklučyŭ abmiežavańni dla ludziej, jakija nosiać imiony śviatych lubych pamiesnych pravasłaŭnych cerkvaŭ śvietu ci suhučnyja im imiony, vynikaje z časopisaŭ pasiadžeńnia Sinoda, apublikavanych u čaćvier na sajcie Ruskaj pravasłaŭnaj carkvy, piša ria.ru.
«Padkreślić niedapuščalnaść lubych abmiežavańniaŭ u bohasłužebnym paminańni i dapuščeńni da carkoŭnych tajamnic viernikaŭ, jakija majuć nacyjanalnyja imiony, tradycyjnyja dla inšych pamiesnych pravasłaŭnych cerkvaŭ (abo imiony ŭ inšych nacyjanalnych hučańniach)», - havorycca ŭ časopisie.
Pad imionami «ŭ inšych nacyjanalnych hučańniach», miarkujučy pa kamientary da rašeńnia Sinoda, majucca na ŭvazie suhučnyja imiony, naprykład: Iaan — Džon, Iaana — Žana.
Chryścić dziaciej ciapier taksama možna pad imionami śviatych inšych pravasłaŭnych cerkvaŭ. U RPC taksama źviarnuli ŭvahu duchavienstva na hetyja źmieny.
Kali čałaviek choča pryniać chryščeńnie ŭ darosłym vieku, ale jaho imia nie maje anałahu ŭ miesiacasłovach pamiesnych pravasłaŭnych cerkvaŭ, nie suhučna im, jon sam moža vybrać sabie chryścilnaje imia ź śviatcaŭ, «pryčym pažadana, kab jano było blizkaje pa hučańni z cyvilnym imiem».
U abhruntavańni da hetych rašeńniaŭ skazana, što tradycyja nazyvańnia pa śviatcach, jakaja skłałasia ŭ Ruskaj pravasłaŭnaj carkvie, «nie zaŭsiody ŭličvaje raznastajnaść praktyk i tradycyj, jakija skłalisia ŭ inšych pamiesnych pravasłaŭnych cerkvach, u tym liku ŭ suviazi z tym, što Miesiacasłoŭ Ruskaj carkvy nie ŭtrymlivaje imionaŭ usich śviatych, prasłaŭlenych pamiesnymi cerkvami».
Akramia taho, adznačajecca, što pa biblejskaj tradycyi vybirać imia dziciaci — heta prerahatyva baćkoŭ.
Ciapier čytajuć
Pahražaŭ vajskoŭcam raskryć, chto ź ich homaseksuał, kab vypytać sakrety i pradać Ukrainie. Voś za što adyjozny funkcyjanier BRSM atrymaŭ 17 hadoŭ kałonii12
Kamientary