Biełaruś moža pačać hod biez kantraktaŭ na pastaŭki nafty i hazu. Łukašenka i Pucin bolš za hadzinu havaryli pa telefonie, ale pakul nie damovilisia
Telefonnaja razmova Łukašenki i Pucina adbyłasia siońnia, paviedamlaje BiełTA.
U pieršaj častcy hutarki Alaksandr Łukašenka i Uładzimir Pucin abmianialisia ciopłymi vinšavańniami z nahody Novaha hoda. Druhaja častka razmovy doŭžyłasia bolš za hadzinu i była pryśviečana ŭzhadnieńniu kankretnych abjomaŭ, terminaŭ i cen na pastaŭki vuhlevadarodaŭ i inšych vidaŭ syraviny.
Kiraŭniki dziaržaŭ abmierkavali taksama niavyrašanyja pytańni intehracyi.
«U vypadku kali da 1 studzienia hetyja pytańni vyrašyć nie paśpiejuć, pavodle damoŭlenaściej kiraŭnikoŭ dziaržaŭ, členy ŭradaŭ vypracujuć kampramisny pramiežkavy varyjant umoŭ pastavak nafty i hazu ŭ našu krainu, da kančatkovaha pryniaćcia rašeńniaŭ prezidentami. Jakija, u svaju čarhu, pry nieabchodnaści sustrenucca dla abmierkavańnia i pryniaćcia hetych rašeńniaŭ paśla kaladnych śviataŭ u siaredzinie studzienia», — raskazali ŭ pres-słužbie Łukašenki.
Ciapier čytajuć
Alaksandra Šakucina adpuścili paśla troch sutak u SIZA6
Alaksandra Šakucina adpuścili paśla troch sutak u SIZA
«Ludziej prymušali dumać, što ničoha nikoli nie źmienicca». Chto taki antykamunist Łasła Krasnaharkai, jaki atrymaŭ Nobieleŭskuju premiju pa litaratury?99
Kamientary