Eks-mer Žodzina Juryj Šary pryhavorany da vaśmi hadoŭ pazbaŭleńnia voli, jaho pryznali vinavatym u pieravyšeńni ŭłady (č. 3 art. 426 KK) i atrymańni chabaru (č. 3 art. 430 KK). Pra heta TUT.BY raspaviali ŭ pres-słužbie suda Barysaŭskaha rajona. Mienavita hety termin raniej dla jaho patrabavaŭ dziaržabvinavaŭca.
Šaramu taksama zabaroniena na praciahu 5 hadoŭ zajmać pasady, źviazanyja z vykanańniem arhanizacyjna-rasparadčych abaviazkaŭ.
Hrošy, jak adznačana ŭ abvinavačvańni, Šaramu pieradavaŭ jaho daŭni siabar — Hienadź Šybko. Jon atrymlivaŭ ich ad Natalli Toŭkač, jakaja, u svaju čarhu, pracavała ź inviestarami. U hetaj schiemie adrazu niekalki ŭdzielnikaŭ pahadzilisia supracoŭničać sa śledstvam, dapamahčy vykryć inšych fihurantaŭ.
Hienadzia Šybko asudzili na 5 hadoŭ pazbaŭleńnia voli, pryznaŭšy vinavatym pa č. 6 art. 16 KK, č. 3 art. 430 KK. I jamu zabaroniena na praciahu 5 hadoŭ zajmać pasady, źviazanyja z vykanańniem arhanizacyjna-rasparadčych abaviazkaŭ.
Natalli Toŭkač dali 4 hady abmiežavańnia voli z nakiravańniem u vypraŭlenčuju ŭstanovu adkrytaha typu, choć prakuror zapytvaŭ dla jaje 4 hady «chatniaj chimii».
Ciapier čytajuć
Vajb-prahramavańnie źmienić rolu raspracoŭščyka, RLVR, i kali łopnie burbałka. Biełarus-inžynier u halinie ŠI, jaki pracuje ŭ ZŠA, raskazaŭ, što nas čakaje ŭ 20263
Kamientary