Pakul niajasna, chto dapamoh Karłasu Honu ŭciačy ź Japonii. Ale historyja nahadvaje tryler u styli cinéma du look.
Čamu livanski? Tamu što Hon choć i naradziŭsia ŭ Brazilii, ale maje livanskija karani i pašpart, akramia francuzskaha i brazilskaha.
Top-menedžara pryvieźli ŭ nievialiki aeraport u pravincyi, adkul jon vylecieŭ u Turcyju, paśla čaho na pryvatnym samalocie adpraviŭsia ŭ Livan. Pa dadzienych presy, lehalna pierasiačy miažu Hon nie moh, bo ŭsie try jaho pašparty — livanski, francuzski i brazilski — u jaho byli zabranyja.
65-hadovy Hon ličyŭsia adnym z samych talenavitych top-mieniedžaraŭ aŭtamabilnaj industryi i byŭ, biez sumnievu, adnym z samych vysokaapłatnych. Jon uznačalvaŭ aljans Renault i Nissan. Doŭhi čas mierkavałasia, što jon azdaraviŭ Nissan i ŭratavaŭ jaho ad bankructva. Adnak japonski bok urešcie pabačyŭ u adnosinach Renault i Nissan nieraŭnapraŭje i pahrozu pierachodu apošniaha pad poŭny kantrol pieršaha. Renault — heta dziaržaŭnaja francuzskaja kampanija.
Sam Hon ŭ karotkaj zajavie, raspaŭsiudžanaj 31 śniežnia, paćvierdziŭ, što znachodzicca ŭ Livanie, i padkreśliŭ, što bolš «nie budzie ŭ zakładnikach sfalsifikavanaha japonskaha pravasudździa». «Ja nie bieh ad pravasudździa — ja ŭciakaŭ ad niespraviadlivaści i palityčnaha pieraśledu», — dadaŭ jon.
Hienieralny dyrektarat hramadskaj biaśpieki Livana ŭ svajoj zajavie 31 śniežnia paviedamiŭ, što, chacia isnuje «šmat interpretacyj» nakont taho, jak Hon trapiŭ u krainu, jon zrabiŭ heta «zakonnym sposabam». U zajavie havorycca taksama, što «niama padstaŭ, kab suprać jaho byli pryniatyja niejkija zachady abo kab jon pieraśledavaŭsia pa zakonie». Bolš nijakich detalaŭ u zajavie niama.
Ciapier čytajuć
Advakat Kanavałava, rasstralanaha za terakt u mietro, upieršyniu raskazaŭ, što adbyvałasia padčas śledstva33
Kamientary