Пакуль няясна, хто дапамог Карласу Гону ўцячы з Японіі. Але гісторыя нагадвае трылер у стылі cinéma du look.
Чаму ліванскі? Таму што Гон хоць і нарадзіўся ў Бразіліі, але мае ліванскія карані і пашпарт, акрамя французскага і бразільскага.
Топ-мэнэджара прывезлі ў невялікі аэрапорт у правінцыі, адкуль ён вылецеў у Турцыю, пасля чаго на прыватным самалёце адправіўся ў Ліван. Па дадзеных прэсы, легальна перасячы мяжу Гон не мог, бо ўсе тры яго пашпарты — ліванскі, французскі і бразільскі — у яго былі забраныя.
65-гадовы Гон лічыўся адным з самых таленавітых топ-менеджараў аўтамабільнай індустрыі і быў, без сумневу, адным з самых высокааплатных. Ён узначальваў альянс Renault і Nissan. Доўгі час меркавалася, што ён аздаравіў Nissan і ўратаваў яго ад банкруцтва. Аднак японскі бок урэшце пабачыў у адносінах Renault і Nissan нераўнапраўе і пагрозу пераходу апошняга пад поўны кантроль першага. Renault — гэта дзяржаўная французская кампанія.
Сам Гон ў кароткай заяве, распаўсюджанай 31 снежня, пацвердзіў, што знаходзіцца ў Ліване, і падкрэсліў, што больш «не будзе ў закладніках сфальсіфікаванага японскага правасуддзя». «Я не бег ад правасуддзя — я ўцякаў ад несправядлівасці і палітычнага пераследу», — дадаў ён.
Генеральны дырэктарат грамадскай бяспекі Лівана ў сваёй заяве 31 снежня паведаміў, што, хаця існуе «шмат інтэрпрэтацый» наконт таго, як Гон трапіў у краіну, ён зрабіў гэта «законным спосабам». У заяве гаворыцца таксама, што «няма падстаў, каб супраць яго былі прынятыя нейкія захады або каб ён пераследаваўся па законе». Больш ніякіх дэталяў у заяве няма.
Позна ўвечары Лукашэнка паразмаўляў яшчэ і з Джонам Коўлам. Імаверна, гаворка ішла пра ўмовы і тэрміны вызвалення палітвязняў2
Каментары