Hruzija, ZŠA i Brytanija abvinavacili Rasiju ŭ napadzieńni na hruzinskija sajty
Kibierataku ŭ kastryčniku 2019 hoda ŭ Hruzii ździejśniŭ Hienieralny štab Uzbrojenych sił Rasii, — pra heta na nadzvyčajnym bryfinhu ŭ ministerstvie zamiežnych spraŭ Hruzii zajaviŭ pradstaŭnik viedamstva Uładzimir Kanstancinidzi, paviedamlaje hruzinskaje telebačańnie.
Maštabnaja kibierataka ŭ Hruzii adbyłasia 28 kastryčnika 2019 hoda. Paciarpieli sotni sajtaŭ, uklučajučy veb-partał i ŭnutranuju sietku Pieršaha kanała Hruzii. Časova było pierapyniena viaščańnie Radyjo Hruzii. Akramia taho, adklučyłasia niekalki telekanałaŭ i roznyja veb-partały.
Achviaraj ataki stała i veb-staronka administracyi prezidenta Hruzii. Pry adkryćci staronki źjaŭlałasia fota eks-prezidenta Michaiła Saakašvili z nadpisam «Ja viarnusia».
Dziaržsakratar ZŠA Majk Pampiea abvinavaciŭ u kibieratacy na Hruziju hałoŭnaje ŭpraŭleńnie rasijskaha hienštaba i kankretna vajskovuju čaść numar 74455, viadomuju taksama jak Sandstorm («Piasčanaja bura»).
Brytanski Foryn-ofis taksama asudziŭ dziejańni rasijskaj vajskovaj raźviedki, nakiravanyja suprać Hruzii. «Brytanija, Hruzija i zamiežnyja partniory vyjavili, što HRU — rasijskaja vajskovaja raźviedka — niasie adkaznaść za šerah značnych kibieratak suprać Hruzii ŭ minułym hodzie», — adznačaje brytanskaje źniešniepalityčnaje viedamstva. Ministr zamiežnych spraŭ Brytanii Daminik Raab nazvaŭ dziejańni chakieraŭ HRU nachabnymi i biezrazvažnymi.
U Minsku adbylisia masavyja zatrymańni vydaŭcoŭ i kniharaspaŭsiudnikaŭ33
Kamientary