Tom Tykvier, aŭtar mastackaj dahaniałki «Biažy, Łoła, biažy» źniaŭ film, jaki paŭhodu tamu nichto by hladzieć nie staŭ. Piša Pavał Kaściukievič.
Tom Tykvier, aŭtar mastackaj dahaniałki «Biažy, Łoła, biažy» źniaŭ film, jaki paŭhodu tamu nichto by hladzieć nie staŭ. Piša Pavał Kaściukievič.
Dziva što: ci mała filmaŭ pra impetnaha i spraviadlivaha ahienta «Interpoła», jaki vykryvaje bankiraŭ, što aplali sietkami z daŭhoŭ usie kiroŭnyja słai śvietu? Adsutnaść jasnaha chepi‑endu biantežyła b taksama. Tut jašče hožaja hałoŭnaja hierainia zajmajecca z hožym hałoŭnym hierojem vyklučna rasśledavańniem finansavych machinacyjaŭ.
Ale, bač, pad čornym lesam spatkaŭsia čort ź biesam, suśvietny finansavy kryzis. Krach finansavych impieryjaŭ u krainach, dzie pachod u bank mała nie štodzionnaja zaviadzionka i dośvied, film mižvoli pryciahvuŭ ŭvahu hledačoŭ i krytykaŭ da filmu. Nie tak daŭno «Internešnł» navat adkryvaŭ Bierlinski kinafiestyval.
Vyjšła niešta kštałtu žurnalisckaha rasśledavańnia, a adsutnaść horaŭ zadymlenych trupaŭ i łužyn kryvi ŭporavień z svoječasovaści temy tolki dadali stužcy žadanaj złaviesnaści dy intryhoŭnaści. Pamiatajecie italjanski sieryjał «Sprut» pra biasstrašnaha kamisara Katani? U «Internešnle» nam jašče raz nahadvajuć pra isnavańnie, ciapier zachrasłaj u bankach, poskudzi, chacia nie dajuć receptaŭ dla adcinańnia jaje ščupalcaŭ.
Teoryja zmovy ŭ ideale vyhladaje tak: dziesiatak starcaŭ niedzie ŭ nie vielmi słynnym, ale vielmi zacišnym kutku vyrašajuć los płaniety.
U «Internešenle» taja teoryja vyhladaje razhornuciej i imavierniej: u zmovy zaanhažavanyja ŭrady, palityčnyja partyi i viadoma, bankiry. Jany nie pradažnyja — jany prosta nie mohuć inakš.Jany nie chočuć handlavać zbrojaj, jany nie chočuć svaich kandydataŭ u parłamiencie. Usio, u čym jany zacikaŭlenyja, heta, pavodle słovaŭ adnaho z hierojaŭ, «vałodać vašymi daŭhami». U «Internešnle» zakranutyja karani, ale chiba nie nazvanyja imiony. I palitkarektna, i «z sensam»: zapeckanyja ŭsie.
«Najlepšaja kiłbasa — heta pančocha z hrašyma». U Biełarusi bankam hrošy z ułasnaj voli niasuć chiba piensijaniery. Tamu film dla nas nie duža aktualny, ale ščymlivaja, univiersalnaja strunka ŭ filmie adčuvajecca. Prynamsi ŭ słovach byłoha ahienta «Štazi», a ciapier načalnika achovy ŭ bujnym banku, jaki vyrašaje supracoŭničać z «Interpołam»: «Heta ja nie dla siabie rablu, heta dla dušy svajoj». Adviečny vybar pamiž sumleńniem i samazachavańniem. Padrabiazna apisvajučy, jak vyjšaŭšy za miežy kletki, ty ŭsiaho tolki patrapiš u jašče bolšuju kletku, film uvadnačas ćvierdzić, što ŭsio adno hety krok zrabić treba.
Čamu varta hladzieć stužku «Internešnł»
1.
Dziela panaramnych zdymkaŭ Miłanu(horad nie samy bahaty na pomniki ŭ Italii, ale badaj adzin z samych technahiennych, beton dy škło, centraŭ Jeŭropy. Nie zabudźcie pra apošnija marki mašynaŭ u kadry).
2.
Dziela novaj klamki rasiejskich pierakładčykaŭ:nieanhłamoŭnyja pavodle siužetu ludzi ŭ halivudskich filmach ciapier havorać pa‑rasiejsku z raznastajnymi akcentami: adny adčajna kartaviać pa‑niamiecku, inšyja śpiavajuć ź italjanskim akcentam. Hučyć dosyć paciešna.
3.
Dziela hałoŭnaha aktora Kłajva Oŭena.Jon adzin z tych aktoraŭ, jakija čym nieachajniejšyja, čym bolš pamiatymi, admačalenymi i niepaholenymi vyhladajuć, tym im lepš. A siužet plažyć Kłajva i nie daje jamu pilnavacca rasparadku dnia pa poŭnaj prahramie.
Vynieśli prysud Palinie Zyl — błohiercy, jakaja stała nulavym pacyjentam spravy Hajuna, bo ŭ jaje znajšli tuju samuju spasyłku ad Matolki15
Kamientary