Hałoŭny hieroj stužki Dejvida Finčera – čas.
Zahadkavaja historyja Bendžamina Batana (The Curious Case of Benjamin Button)
ZŠA, 2008, kalarovy, 166 chv.
Režysior: Dejvid Finčer
Roli vykonvajuć: Bred Pit, Kiejt Błanšet, Cilda Sŭintan, Džulija Armond, Eli Feninh
Žanr: Fiłasofskaja mieładrama pavodle apaviadańnia Frensisa Skota Ficdžeralda i scenaru Eryka Rota i Robina Sŭikarda
Premii: “Oskar” za najlepšy hrym, vizualnyja efiekty i dekaracyi – jašče 10 naminacyj na “Oskar”
Adznaka: 8 (z 10)
Biendžamin Batan naradziŭsia vielmi niezdarovym 80-hadovym starym. I kali ŭsie astatnija dzieci staleli – jon pačaŭ maładzieć…
Film Dejvida Finčera, pastaŭleny pa nievialičkim apaviadańni Frensisa Skota Ficdžeralda – udumlivaja epičnaja mieładrama, što nietaropka doŭžycca dźvie hadziny. Bred Pit (iznoŭ paśla “Siami” ŭ duecie ź Finčeram) i Kiejt Błanšet – z najvialikšaj addanaściu hrajuć zakachanych, jakija sustrelisia – ale raźminucca, bo jana stareje, a jon – maładzieje. Piacihadzinny hrym, žesty j pozirki, sum u vačoch, čakańnie – u mudraj režysury Dejvida Finčera adčuvajecca smak starych kłasičnych ramanaŭ, kali los hraje ludźmi, vypadkovaści źnitoŭvajucca ŭ čaradu niezvyčajnych padziej, ale samaje važnaje zastajecca. I ci ž vy dumali, što hublajecie tolki, kali starejecie?
Hałoŭny hieroj stužki – čas.
Ciomnyja parćjery starych damoŭ i mundziry Pieršaj suśvietnaj, zabytyja aŭtamabili – i pieršyja vystupy “Bitłoŭ”, začytanyja da dzirak knihi – i krochkaść imhnieńnia, što sychodzić. Sama stužka – burštynavaja, sastarełaja, jak dakumient, nastojenaja, jak dobraje vino.
Jano nie kožnamu pryjdziecca daspadoby, ale varta jaho pakaštavać.
Ciapier čytajuć
«Miesiacami ŭ kabinie, na siabie zabiŭ. I staŭ pytać: moža, žonka taksama budzie pracavać?». Čamu emihracyja raźbivaje siemji i što rabić, kab usio papravić3434
Kamientary