Karanavirus novaha typu dyjahnastavany ŭ Karła Habsburha-Łatarynhskaha — unuka impieratara Aŭstra-Vienhryi Karła I (1916-1918), dziejnaha kiraŭnika doma Habsburhaŭ (adna z najbolš mahutnych manarchavych dynastyj, jakaja praviła ŭ mnohich jeŭrapiejskich krainach z 1306-ha pa 1918 hod). Pra heta piša TASS sa spasyłkaj na češskuju hazietu Mlada fronta DNES.
Karł Habsburh-Łatarynhski, jakomu niadaŭna spoŭniłasia 59 hadoŭ, znachodzicca na chatnim karancinie. Miarkujecca, što jon zaraziŭsia ad adnaho sa svaich siabroŭ.
«Niekalki dzion tamu ja adčuŭ siabie drenna. Byli prykmiety prastudy. Dumaŭ, što heta zvyčajny hryp, ale nieŭzabavie mnie patelefanavaŭ siabar i skazaŭ, što niadaŭna byŭ na kanhresie ŭ Šviejcaryi i paśla hetaha ŭ jaho byŭ dyjahnastavany karanavirus. Ja taksama vyrašyŭ zdać analizy. Vyniki apynulisia stanoŭčymi», — skazaŭ Habsburh-Łatarynhski.
Jon pravodzić karancin u vile kala horada Zalcburh. Jon nastajaŭ, kab siamja znachodziłasia asobna ad jaho.
«Karancin — reč vielmi prykraja, ale pavinien skazać, što ja prystasavaŭsia. Karanavirus, urešcie, nie čuma. Jak doŭha mnie treba budzie zastavacca na karancinie, vyznačać daktary na asnovie analizaŭ», — adznačyŭ Karł Habsburh-Łatarynhski.
Karł Habsburh-Łatarynhski, zhodna z hazietaj, staŭ pieršym kiraŭnikom jeŭrapiejskaha manarchičnaha doma, jaki zaraziŭsia karanavirusam.
Ciapier čytajuć
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju23
Kamientary