Usich, chto moh ź im kantaktavać, adpravili na karancin, paviedamlaje «Radyjo Svaboda».
Pacyjent, u jakoha vyjavili karanavirus, u niadzielu, 8 sakavika, prykładna z 9-10 hadzin ranicy abśledavaŭsia ŭ staličnym miedycynskim centry «Łade» na praśpiekcie Niezaležnaści. Hetuju infarmacyju «Radyjo Svaboda» paćvierdzili ŭ Ministerstvie achovy zdaroŭja i ŭ samim centry «Łade».
«Ciapier naš centr pracuje ŭ štatnym režymie, prymajem usich pacyjentaŭ, jakija prychodziać na abśledavańnie, na pryjom da daktaroŭ. Paniki niama. Usia poŭnaja infarmacyja — u Ministerstvie achovy zdaroŭja, usie źviestki akumulujucca tam. U adpaviednaści ź instrukcyjaj my paviedamili pra hety vypadak u Minzdaroŭja. Bolš pakul ničoha skazać nie mahu», — raskazała pres-sakratarka «Łade» Volha Černikava.
U sieradu ranicaj usich daktaroŭ i naviednikaŭ, jakija znachodzilisia ŭ miedcentry «Łade» ŭ adzin čas z pacyjentam, u jakoha paźniej znajšli karanavirus, pavieźli ŭ Baraŭlany na karancin. Ich niašmat, bo byŭ vychodny i śviatočny dzień; ludziej vyznačali pa časie pryjomu i kamerach videanazirańnia. Hetuju infarmacyju paćvierdziła «Svabodzie» pres-sakratar Minzdaroŭja Julija Baradun.
Chto ź biełarusaŭ trapiŭ na pryjom da prezidenta Polščy ŠMAT FOTA10
Kamientary