«Času na paŭmiery bolš niama». Polšča zakryvaje miežy, uvodzić strohi karancin, biaspłatna razdaje dezinfiektanty

Polšča zabaraniaje ŭjezd zamiežnikam. U krainie ŭvodzicca režym epidemijałahičnaj pahrozy. Pra heta abvieściŭ premjer-ministr krainy Matevuš Maraviecki.

Hladzicie videa pres-kanfierencyi premjera Polščy:

Usie palaki, jakija viartajucca z-za miažy, pavinny buduć prajści 14-dzionny karancin. Dalejšyja pajezdki za miažu nie rekamiendujucca.

Na čas epidemii Polšča adnaŭlaje pamiežny kantrol na miežach z krainami Jeŭrapiejskaha sajuza z 0:00 niadzieli.

Pasažyrskija avijarejsy za miažu spyniajucca. Mižnarodny pasažyrski čyhunačny ruch taksama spyniajecca ŭnačy z suboty na niadzielu. Polskich turystaŭ z-za miažy viernuć na radzimu čartarami i źmieściać na karancin.

Pieramiaščeńnie tavaraŭ praź miežy nie abmiažoŭvajecca. Premjer nahadaŭ, što Polšča — adzin z najbolšych vytvorcaŭ sielhaspradukcyi ŭ Jeŭropie, tamu niebiaśpieki deficytu praduktaŭ niama.

Premjer-ministr i prezident Polščy taksama raskazali siońnia, jakija zachady zroblenyja, kab strymać raspaŭsiud epidemii na pieršym etapie.

Polšča ŭviała karancin u škołach. Z 0.00 suboty spynicca dziejnaść vialikich handlovych centraŭ. U ich zastanucca adkrytymi tolki praduktovyja hipier- i supiermarkiety i apteki. Banki i bankamaty buduć pracavać u zvyčajnym režymie. 

Jon patłumačyŭ, što heta robicca, kab pieršaja chvala zaražeńniaŭ nie była vialikaja, kab nie ŭźnikła pierahruzki balnic i miedykaŭ.

Premjer prainfarmavaŭ, jakija miery byli pryniatyja za apošnija dni dla pavieličeńnia zapasaŭ miedykamientaŭ, miedabstalavańnia i srodkaŭ prafiłaktyki.

Akramia taho, dziaržaŭnyja struktury pačynajuć biaspłatnuju razdaču dezinfikujučych vadkaściaŭ — praz roznyja ŭstanovy i na zapraŭkach.

Polšča ŭ terminovym režymie pieraŭtvaraje 19 špitaloŭ va ŭsich vajavodstvach krainy ŭ infiekcyjnyja. 10 % kojek u hetych špitalach buduć abstalavanyja aparaturaj dla štučnaha dychańnia.

«Pierad nami čas vyprabavańniaŭ. Čas salidarnaści pakaleńniaŭ. Našym najbolšym kozyram budzie spakoj», — skazaŭ premjer Polščy.

U Polščy na siońnia zarehistravana 68 vypadkaŭ zachvorvańnia. U pieraliku na dušu nasielnictva heta mienš, čym u Biełarusi (my mieli na ranak 27).

Premjer Polščy patłumačyŭ takija rašučyja zachady namieram nie dapuścić pamyłak niekatorych zachodniejeŭrapiejskich krain, jakija na dva-try tydni zaciahnuli z karancinnymi mierami. «My nie pavinny być razumnyja zadnim rozumam», — adznačyŭ premjer.

«Heta apošni momant, kali mahčymyja rašučyja dziejańni. Času na paŭmiery bolš niama, — skazaŭ ministr achovy zdaroŭja Łukaš Šumoŭski. — U Italii ŭžo 17 600 zaražeńniaŭ. U nas — 68. Ad taho, jak my zaraz budziem siabie pavodzić u hety ciažki momant, zaležyć los usich nas i našych blizkich», — skazaŭ ministr achovy zdaroŭja Polščy, jon vyhladaŭ stomlenym i niavyspanym.

• 0
• 0
• 0
• 0
• 0
• 0
• 0
• 0