Miedycynski centr u Aksakaŭščynie pierastaŭ prymać ludziej na reabilitacyju
Stała viadoma, što z 1 krasavika Respublikanski kliničny špital miedycynskaj reabilitacyi ŭ Aksakaŭščynie pad Minskam pierastaŭ prymać pacyjentaŭ. Pryčynaj staŭ karanavirus u adnaho z chvorych. U špitali kažuć, što heta nie karancin, paviedamlaje «Radyjo Svaboda».
«Karancin praduhledžvaje vystaŭleńnie pastoŭ milicyi na ŭvachod i na vychad, — skazali «Svabodzie» ŭ pryjomnym adździaleńni. — U nas častka supracoŭnikaŭ jeździć dadomu. Tak što heta nie karancin. My prosta nie prymajem ludziej, zakrytyja dla špitalizacyi».
U špitali nie stali kamientavać mahčymyja vypadki zaražeńnia svaich supracoŭnikaŭ. Jak doŭha špital budzie zakryty dla pryjomu pacyjentaŭ, pakul taksama nieviadoma.
Kamientary