Karanavirus paćvierdzili ŭ supracoŭnicy minskaha Pałaca moładzi, ale karancinu nie ŭvodzili
U supracoŭnicy minskaha Pałaca dziaciej i moładzi paćvierdziłasia karanavirusnaja infiekcyja, jaje špitalizavali. Pra heta «Radyjo Svaboda» skazała dyrektarka pałaca Hanna Avieryna.
«Jana ŭ lakarni, adčuvaje siabie narmalna, prajšło ŭžo bolš za dva tydni. Tyja, chto musiŭ być izalavany, tyja izalavanyja», — śćviardžaje Avieryna.
Adnak pałac nie zakryli na karancin, hurtki praciahvajuć pracavać.
«U mianie peŭnyja ŭstanoŭki, jakija ja vykonvaju, — raskazała dyrektarka. — Žančyna nie była ŭ pramym kantakcie ź dziećmi. Da hetaha jana była na balničnym.
Usie zachady biaśpieki, kab maje dzieci i supracoŭniki byli zdarovyja, pryniali, sanstancyja ŭsio apracavała. U mianie ŭsio paćviardžajecca fotazdymkami. U nas dadatkovaja adukacyja i niama abaviazałaŭki vadzić dziaciej, heta vyrašajuć baćki. Usio pracuje ŭ štatnym režymie».
Pavodle dyrektarki, ciapier dzieci amal što nie naviedvajuć hurtki.
U Minsku adbylisia masavyja zatrymańni vydaŭcoŭ i kniharaspaŭsiudnikaŭ33
Kamientary