Viciebskaje navukova-vytvorčaje pradpryjemstva TAA «SIVitał» siońnia prystupiła da vyrabu test-sistem dla dyjahnostyki karanavirusa, pieradaje BiełTA.
Hrupa navukovych supracoŭnikaŭ pad kiraŭnictvam doktara miedycynskich navuk prafiesara Viciebskaha dziaržaŭnaha miedycynskaha ŭniviersiteta Valeryja Siamionava raspracavała test-sistemy dla vyjaŭleńnia niebiaśpiečnaha virusa. Ministerstva achovy zdaroŭja ŭ paskoranym režymie praviało siertyfikacyju i vydała dopusk na vytvorčaść test-sistem.
«U ciapierašniaj situacyi my pierapynili asnoŭnyja raboty i stvaryli test-sistemu dla dyjahnostyki karanavirusnaj infiekcyi. Virus dosyć składany», — adznačyŭ Valer Siamionaŭ. Pavodle jaho słoŭ, staić zadača zabiaśpiečyć pradukcyjaj u pieršuju čarhu Viciebskuju vobłaść i zatym ŭsiu krainu. «Na vyjaŭleńnie virusa našaj sistemaj budzie zatračvacca 45 chvilin. Sama amplifikacyja doŭžycca 1,5 hadziny, ale tam možna adrazu zrabić 96 daśledavańniaŭ», — dadaŭ vučony.
Na praciahu 10 dzion kampanija źbirajecca vypuścić 100 tysiač testaŭ z naroščvańniem mahutnaściaŭ.
U Viciebskaj vobłaści jość try śpiecyjalizavanyja łabaratoryi, jakija zmohuć vykarystoŭvać test-sistemy dla vyjaŭleńnia virusa.
Ciapier čytajuć
Ad pryvatnikaŭ patrabujuć zavieści ideołaha ŭ štacie — raspytali, što robiać kampanii17
Kamientary