U sudach Biełarusi pracujuć sudździ "ź biezdakornaj reputacyjaj i minułym".
Pra heta 27 sakavika na pres-kanfierencyi ŭ Minsku zajaviła načalnik upraŭleńnia arhanizacyi i analityčnaha zabieśpiačeńnia dziejnaści sudovych orhanaŭ Ministerstva justycyi Łarysa Mialhuj.
Jana zaznačyła, što vypadki hrubaści sudździaŭ padčas sudovych pasiadžeńniaŭ — "adzinkavyja". "Sudździ dapuskajuć hrubaść nie bolš za ŭračoŭ abo sacyjalnych rabotnikaŭ. Pryčym hrubaść sudździaŭ nie prachodzić dla ich biespakarana", — padkreśliła pradstaŭnik Miniusta.
Ł.Mialhuj paviedamiła, što pracent admieny sudovych rašeńniaŭ vyšejšymi instancyjami "ŭ Biełarusi nievialiki". "Heta śviedčyć pra zabieśpiačeńnie sudoŭ vysokakvalifikavanymi kadrami", — ličyć jana.
Na dumku Ł.Mialhuj, u Viarchoŭnym sudzie pracujuć "vysokija prafiesijanały". "Kožnaja sprava ŭ Viarchoŭnym sudzie vyvučajecca daskanalna. Liču, što ni adna sprava nie była razhledžanaja ŭ hetym sudzie niapravilna", — padkreśliła jana.
Pradstaŭnik Miniusta taksama paviedamiła, što ŭ 2008 hodzie ŭ paraŭnańni z 2007 hodam kolkaść hramadzianskich spraŭ, što pastupili ŭ sudy, pavialičyłasia na 28.802 (10,5%). "Heta śviedčyć pra rost davieru nasielnictva da sudoŭ", — ličyć jana.
Kamientary