Dziaržduma Rasii pieraniesła Dzień zakančeńnia Druhoj suśvietnaj vajny na 3 vieraśnia
Deputaty Dziarždumy pryniali ŭ druhim i trecim čytańniach zakon ab pieranosie z 2 na 3 vieraśnia Dnia zakančeńnia Druhoj suśvietnaj vajny ŭ 1945 hodzie, piša TASS.
Zhodna ź dziejučym zakonam hety dzień ličycca pamiatnaj dataj. Deputaty i sienatary, jakija raspracavali papraŭki, prapanavali ličyć jaho novym dniom vajskovaj słavy.
U tłumačalnaj zapiscy aŭtary zakonaprajekta spasyłajucca na ŭkaz prezidyuma Viarchoŭnaha Savieta SSSR ad 2 vieraśnia 1945 hoda, zhodna ź jakim 3 vieraśnia abjaŭlajecca śviatam Pieramohi nad Japonijaj i dniom usienarodnaj uračystaści.
«Farmuloŭka «3 vieraśnia — Dzień zakančeńnia Druhoj suśvietnaj vajny (1945 h.)» simvalizuje pierachod ad stanu vajny da miru, pošuku šlachoŭ prymireńnia i supracoŭnictva», — skazana ŭ tłumačalnaj zapiscy.
Va ŭradzie Rasii dali stanoŭčaje zaklučeńnie na ŭniasieńnie takich papravak.
2 vieraśnia 1945 hoda Japonija padpisała akt ab biezumoŭnaj kapitulacyi, čym zaviaršyłasia Druhaja suśvietnaja vajna.
Ciapier čytajuć
Pra Miełkaziorava ŭ jaho apošni dzień: «Było adčuvańnie, što jon stomleny, brakuje enierhii, rysy tvaru byli zapałyja»5
Kamientary