Łukašenka siońnia padčas naviedvańnia chrama na Vialikdzień papraknuŭ asobaŭ, nadzielenych vialikaj uładaj. Siužet pakazaŭ telekanał Biełaruś-1.
«Bohu molacca miljony ludziej, — skazaŭ Łukašenka. — Ja viedaju mnohich takich. Ale jak tolki nastupiŭ hety psichoz, navat nie chvaroba, usie rvanuli nie ŭ chram, a ad chrama. Heta nie dobra. Ale heta maja pazicyja, ja jaje nikomu nie naviazvaju».
Łukašenka pierakanany, što biełarusy projduć hety pieryjad hodna. «Uvaskresieńnie Chrystova — heta śviedčańnie pieramohi dabra nad złom, heta prykład samaachviarnaści. I tamu my nie pavinny chavacca za ścienami chrama i bajacca zajści ŭ chram. Tamu što Jon nie bajaŭsia, a achviaravaŭ dziela ludziej. Čamu ž my schavalisia? Hetaje pytańnie žyćcio pierad kimści z časam pastavić. I heta treba pamiatać», — adznačyŭ kiraŭnik dziaržavy.
Udziačnyja prychadžanie taksama mocna dziakavali Łukašenku, što nie začyniŭ zavody, a jość mahčymaść pracavać.
Nahadajem, što pierad Vialikadniem kiraŭnictva RPC i BPC zaklikała viernikaŭ pa-mahčymaści siadzieć doma.
U pačatku 2000‑ch troje nastaŭnikaŭ historyi źbiehli va Ukrainu ad «hienacydu biełaruskaha naroda», jaki čyniŭ režym Łukašenki. Jak skłaŭsia ich los?1515
Kamientary