Viktar Mališeŭski, viadomy pa svajoj pracy ŭ «Kamsamolskaj praŭdzie» i «Jeŭrapiejskim radyjo», a taksama praz błoh «Antyžurnalist», staŭ dyrektaram departamienta kamunikacyj «Alfa-Banka».
U vieraśni 2018 hoda Viktar Mališeŭski staŭ hałoŭnym redaktaram partała Officelife. Čamu jon vyrašyŭ syści adtul?
«Mnie zdajecca, naša kamanda, jak i namahałasia, zrabiła sajt b2b, ź jakasnaj aŭdytoryjaj. Heta byŭ dobry vyklik i voś atrymałasia, — kaža Viktar Mališeŭski. —
A tut mnie zrabili prapanovu ŭ tvitary. I ja spačatku padumaŭ, što heta niechta žartuje. Nu i adžartavaŭsia: dzie ja i dzie — bank! Potym padumaŭ, što siońnia treba razhladać lubyja prapanovy pa pracy».
Što budzie ŭvachodzić u jahonyja novyja abaviazki ŭ banku? «Departamient kamunikacyi — heta źniešnija i ŭnutranyja stasunki banka. Alfačy, pijar, pres-słužba i inšaje. Pakul ja tolki ŭvachodžu ŭ spravy, ale mahu skazać, što nikoli raniej u mianie nie była kamanda, jakaja tak sastupaje mnie va ŭzroście. Taksama dobry vyklik. Ale zaraz i ja inšy».
Ci budzie Mališeŭski i nadalej pisać u błoh i ci budzie pisać pra palityku? «Viadoma, ja zastajusia błohieram. Treba razumieć, što błoh — heta maje asabistyja dumki. Darečy, ja tut pracuju ŭžo dva tydni i pišu ŭ fejsbuk i tvitar jak raniej. A kali ŭ nas źjavicca palityka, budu pisać i pra palityku taksama», — adkazvaje Viktar.
«Ni vyjhraŭ, ni prajhraŭ, što taksama dobra ŭ naš čas. Ale, zdajecca, ja nabudu niejkija novyja skiły», — tak žurnalist adkazaŭ na pytańnie, ci bolš vyhadnaje ŭ finansavym płanie jahonaje novaje miesca pracy.
Ciapier čytajuć
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata1212
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata12
Vajb-prahramavańnie źmienić rolu raspracoŭščyka, RLVR, i kali łopnie burbałka. Biełarus-inžynier u halinie ŠI, jaki pracuje ŭ ZŠA, raskazaŭ, što nas čakaje ŭ 202633
Kamientary