Minadukacyi: Vučniaŭ, jakija zastalisia doma, mohuć atestavać pa vynikach troch čverciaŭ
Pra heta ŭ efiry kanała «Biełaruś-1» zajaviŭ namieśnik ministra adukacyi Alaksandr Kadłubaj. Pa jaho słovach, zrabić tak dazvalajuć praviły atestacyi, paviedamlaje Tut.by.
Što tyčycca baćkoŭ, jakija pakinuli siońnia svaich dziaciej doma, heta ich prava. My kažam pra toje, što dla nas nie nova, kali dzicia zastajecca doma pa chvarobie albo pa zajavie adnaho z baćkoŭ. Jon moža atrymać zadańnie dla navučańnia. Akramia taho, nichto nie zabaraniaje źviazacca z kłasnym kiraŭnikom z prośbaj naładzić zvarotnuju suviaź ź piedahoham, kab atrymać kansultacyju. Jon moža hetuju kansultacyju atrymać vočna, kali jon baicca vialikaj kolkaści dziaciej, u 6-y školny dzień u subotu, moža atrymać paśla zaniatkaŭ, — skazaŭ namieśnik ministra.
— Ja nie vyklučaju toje, što baćki, jak jany vykazvajucca ŭ kamientarach, paličać, što zdaroŭje ich dziaciej pieršasnaje… U takim vypadku dzieci buduć atestavanyja pa vynikach tych adznak, jakija jany atrymali ŭ 3 čverciach. Heta dazvalajuć praviły atestacyi, — adznačyŭ jon.
Alaksandr Kadłubaj adznačyŭ, što «masačny režym, jak taki, nieabaviazkovy» (u niekatorych škołach prasili, kab dzieci prynosili na zaniatki maski).
— Nichto nie prymušaje prysutničać niepasredna ŭ mascy niepaŭnaletniaha. U niekatorych abłaściach u nas padčas praciahłych kanikuł piedahohi vyrabili maski svaimi siłami, mohuć dać maski pry ich žadańni.
Pakul niezrazumieła, ci buduć stavić «n» u žurnale naviedvalnaści, jak aceńvać viedy pry vočnym i zavočnym navučańni. Adpaviedny dakumient u Minadukacyi prymuć u najbližejšyja dva dni, paviedamili ŭ siužecie telekanała. Tam taksama ŭdakładnili, što dystancyjnaha navučańnia nie budzie, ale možna kazać ab navučańni z prymianieńniem infarmacyjna-kamunikacyjnych technałohij, pa indyvidualnym vučebnym płanie.
20 krasavika — pieršy dzień apošniaj vučebnaj čverci. U piatnicu, 17 krasavika, Alaksandr Łukašenka zajaviŭ, što dzieciam treba viartacca ŭ škoły. Školnyja kanikuły praciahvalisia dvojčy.
«Chto kak chacit, toj tak i vučycca». Poŭny chaos u škołach u pieršy dzień paśla kanikuł
«Miesiačny płaciež paciahnie na 340 rubloŭ». Što budzie ŭ Biełarusi z mabilnym internetam?15
Kamientary