Kala 20.10 u niadzielu, 19 krasavika, u dziažurnuju słužbu Słuckaha RAUS patelefanavała žycharka Słucka. Jana raspaviała, što pa trasie R23 u bok Minska na čatyrochkołavym viełasipiedzie pa abočynie jedzie chłopčyk, jakomu na vyhlad kala čatyroch hadoŭ, piša kurjer.info.
Tudy nakiravali narad DPS adździeła DAI Słuckaha RAUS.
Juny viełasipiedyst, jaki pradstaviŭsia Arciomam, byŭ znojdzieny na 108-m km trasy R23 u rajonie raźviazki z aŭtadarohaj R43. Pobač ź dziciom byli hramadzianie, jakija prajazdžali mima i spynilisia daviedacca, što chłopčyk robić na ažyŭlenaj trasie. Inśpiektary DAI dastavili dzicia i jaho viełasipied u Słuckuju milicyju. Na žal, dzicia nie zmahło rastłumačyć, dzie jano žyvie i jak zavuć jaho baćkoŭ.
Paźniej vyśvietliłasia, što baćki Arcioma, žychary Słucka, hulali ź dziećmi z 17 da 19 hadzin u dvary doma i nie zaŭvažyli, jak ich 5-hadovaje dzicia źjechała. Nie znajšoŭšy syna i jaho viełasipied, pačali šukać na najbližejšych vulicach. Paśla hetaha baćki kala 21-j hadziny źviarnulisia ŭ milicyju. Tam im paviedamili, što dzicia ŭžo ich čakaje ŭ RAUS.
Chłopčyka viarnuli mamie i tatu, pravioŭšy pry hetym ź imi prafiłaktyčnuju hutarku. Baćki charaktaryzujecca stanoŭča, vychoŭvajuć piaciarych dziaciej.
Arciom na svaim čatyrochkołavym viełasipiedzie ad doma da miesca, dzie jaho znajšli, prajechaŭ kala 3 km.
U Minsku adbylisia masavyja zatrymańni vydaŭcoŭ i kniharaspaŭsiudnikaŭ33
Kamientary