U balnicu z manastyra i sieminaryi ŭ Žyrovičach dastaŭleny 41 čałaviek
Jak paviedamiła TUT.BY hałoŭny ŭrač Słonimskaj centralnaj rajonnaj balnicy Natalla Ryzvanovič, 23 pacyjenty z 41 — sieminarysty.
— Sieminarysty byli dastaŭleny ŭčora i pazaŭčora, heta kantakty pieršaha ŭzroŭniu. A naohuł z ahraharadka Žyrovičy, z manastyra i sieminaryi dastaŭleny 41 čałaviek, ź ich 23 sieminarysty, — prakamientavała Natalla Ryzvanovič.
Kali my źviazalisia z protaijerejem Hienadziem Łohinym, zahadčykam kafiedry carkoŭna-praktyčnych dyscyplin Minskaj duchoŭnaj sieminaryi ŭ Žyrovičach, jon paraiŭ źviarnucca pa kamientar u Ministerstva achovy zdaroŭja i ŭ Słonimskuju balnicu:
— U nas navat chutkaj siońnia nie było, usio dobra.
U balnicy zaraz znachodzicca i archijepiskap Navahrudski i Słonimski Huryj. Darečy, jaho rezidencyja raźmiaščajecca ŭ Žyrovickim Śviata-Uśpienskim manastyry. Archijepiskap Huryj byŭ špitalizavany 20 krasavika.
— Uładyka Huryj sam źjechaŭ u hrodzienskuju balnicu na svajoj mašynie i byŭ špitalizavany ź pnieŭmanijaj. Jon na suviazi, dziakuj Bohu, jość stanoŭčaja dynamika. Siońnia ŭładyka biez tempieratury, adčuvaje siabie dobra, — kaža sakratar Navahrudskaha jeparchijalnaha ŭpraŭleńnia, protaijerej Anatol Hierasimuk.
Jon prosić nie vieryć tym čutkam, jakija raspaŭsiudžvajucca ŭ internecie ab stanie zdaroŭja i Huryja.
Nahadajem, 21 krasavika stała viadoma, što ŭ Śviata-Uśpienskim Žyrovickim manastyry i ŭ domie pałomnikaŭ da 10 maja prypynieny pryjom naviedvalnikaŭ. Takaja infarmacyja raźmieščana na aficyjnaj staroncy manastyra «Ukantakcie». Pryčyna — epidemijałahičnaja situacyja ŭ śviecie.
Ciapier čytajuć
«Miesiačny płaciež paciahnie na 340 rubloŭ». Što budzie ŭ Biełarusi z mabilnym internetam?15
Kamientary