Pra heta jon zajaviŭ na naradzie pa pytańniach ekanomiki i karanavirusa, paviedamlaje sb.by.
Kiraŭnik dziaržavy padkreśliŭ:
— Miery, jakija prapanavany SAAZ, pavinny być abaviazkova vyvučanyja. Nielha ad ich admachvacca. Ale, kali, dapuścim, jany nam rekamiendujuć až da kamiendanckaj hadziny ŭvieści…
Słuchajcie, ja jašče raz padkreślivaju: treba — ŭviadziem i kamiendanckuju hadzinu. Treba — izalujem harady, pasiołki i vioski. Ale chiba siońnia takaja staić prablema pierad krainaj? Nie.
Tamu my nie admachvajemsia ad rekamiendacyj. Ale my pavinny zychodzić z kompleksu rekamiendacyj, našaha vopytu i dziejničać adpaviedna. Nielha dziejničać na avoś.
Kiraŭnik dziaržavy ŭkazvaje na toje, što praźmiernaść u dziejańniach nie pojdzie na karyść sistemie ŭ cełym:
— Kali my budziem u balnicach trymać zdarovych ludziej, to nie daj boh nam łožkaŭ nie chopić chvorych špitalizavać. Tamu była pryniataja na majo žorstkaje patrabavańnie takaja sistema, i daktary jaje padtrymali: kali my bačym, što čałaviek na apošniaj stadyi vyzdaraŭleńnia, davajcie my vyzvalim hety łožak, raptam jon nam spatrebicca, i pieramieścim čałavieka ŭ sanatoryj, prafiłaktoryj, jany ŭ nas padrychtavany. A kahości nakirujem na ambułatornaje lačeńnie. I siońnia jašče nivodny doktar mnie nie skazaŭ, što heta było niapravilnaje rašeńnie. Ambułatornaje lačeńnie daje dobry vynik u płanie razhruzki našaj sistemy achovy zdaroŭja i, što samaje važnaje, daktaroŭ. Bo šalonaja nahruzka na daktaroŭ. Tak, heta zapatrabavała zadziejničać usiu palikliničnuju sistemu. I dobra. Chaj i palikliničnaja sistema napružvajecca.
Pavodle słoŭ kiraŭnika dziaržavy, najbolšuju nahruzku siońnia adčuvajuć lekary i miedycynskija ŭstanovy Minska. Heta tłumačycca samaj vysokaj kancentracyjaj nasielnictva.
Ciapier čytajuć
Ciahnik Pinsk—Minsk spyniŭsia pad Dziaržynskam biez aciapleńnia. Paśla prybyćcia ŭ stalicu pasažyraŭ razabrali ludzi z sacsietak i raźvieźli pa chatach8
Kamientary