Alaksandru Łukašenku ŭnieśli na razhlad prajekt ukaza «Ab viadzieńni lasnoj haspadarki i realizacyi draŭniny». Kiraŭnik dziaržavy zasłuchaŭ siońnia dakład ab źmianieńniach, jakija prapanujucca, piša BIEŁTA.
Na dakład pryjšli vice-premjery Uładzimir Dvornik i Juryj Nazaraŭ, ministr lasnoj haspadarki Vital Drožža i staršynia Kamiteta dziaržkantrolu Leanid Anfimaŭ.
«Les jak byŭ našym bahaćciem, tak i zastajecca. Ale da hetaha bahaćcia my stavimsia časam, a moža, časta, vielmi drenna, — adznačyŭ Alaksandr Łukašenka. — Ja ŭpeŭnieny, što kali b my da pryrody stavilisia adkazna i z pavahaj, to my žyli b nie tolki značna lepš, ale i virusy nas nie ŭziali b. Bo heta nie tolki bahaćcie, heta zdaroŭje našych ludziej, bo ŭ nas amal pałova terytoryi — heta lasy i bałoty. Bałot niamała i, jak akazvajecca, heta taksama zdraŭnica. I niezdarma Jeŭropa abaraniaje bałoty — jany hałoŭnaja krynica kisłarodu».
Kamientary