«Paklikali kazła zarezać»: u vioscy pad Minskam znajšli zakapany trup. Padrabiaznaści
23 krasavika ŭ vioscy Źvianiačy ŭ Minskim rajonie, śledčyja znajšli cieła mužčyny. Trup byŭ zakapany ŭ kanavie.
Viadoma, što mužčynu zvali Alaksandr, jamu było 65 hadoŭ.
«Jon sam ź Minska, ale, pa čutkach, kvateru pierapisaŭ na plamieńnika, jaki dziadźku vyhnaŭ — nie ściarpieŭ ałkahalizmu. Paśla Alaksandr žyŭ tut, ź miascovaj žančynaj Marynaj. Jana taksama biadovaja: piła, daŭno straciła dziaciej, ich zabrali, a jaje pazbavili baćkoŭskich pravoŭ, — kažuć u vioscy. — Paśla z Alaksandram Maryna razyšłasia — jaho vyhnała, pačała ź inšym mužykom žyć. Novaha kavalera zvali Słava», — raskazvajuć viaskoŭcy.
Paśla niaŭdałaha ramanu Alaksandr nie źjechaŭ ź vioski. Žyŭ, jak kažuć, to ŭ vahončyku, to časam jaho puskaŭ da sabie ŭ kačaharku adzin ź miascovych. Kali Alaksandr atrymlivaŭ piensiju, jaho byłaja kachanka i toj Słava zaprašali da siabie: pili ŭtraich. A jak piensija Alaksandra zakančvałasia, jaho znoŭ vyhaniali na vulicu, uzhadvajuć u vioscy.
U listapadzie Maryna i Słava ŭ čarhovy raz paklikali Alaksandra da siabie: dapamahčy zarezać kazła. Bolš Alaksandra nichto nie bačyŭ.
Plamieńnik mužčyny padniaŭ šum tolki ŭ krasaviku. Śledčyja apytali miascovych, tyja ŭkazali na eks-kachanku. Žančynu pravieryli na palihrafie. U vyniku jana raspaviała, što cieła Alaksandra zakapanaje ŭ kanavie.
U zabojstvie padazrajuć sužyciela žančyny Słavu. Jon pad vartaj. Mužčynu pahražaje ad 6 da 15 hadoŭ za zabojstva.
Kamientary