«Subotniki arhanizavać možam, a naładzić navučalny praces u niestandartnych umovach?». Piedahoh zaklikaje Minadukacyi ŭnieści źmieny ŭ pałažeńni ab atestacyi
«Pračytaŭ adkaz Hańnie Sieviaryniec ad namieśnika ministra adukacyi — i, naturalna, razzłavaŭsia, — piša ŭ siabie ŭ fejsbuku nastaŭnik astranomii Liceja BDU Viktar Małyščyc. — «Vy nie tak usio zrazumieli, usio ŭ adpaviednaści z raździełam 2, punktam 6 Praviłaŭ atestacyi…» Voś tolki zvarot byŭ zusim nie ab hetym. Usie hetyja praviły i pałažeńni ŭ nas traktujucca tak, što, kali vučań prapuściŭ čverć biez pavažlivaj pryčyny (a karancinu ŭ nas niama — to i pryčyny niama), jamu stavicca 0 bałaŭ i vyvodzicca vynikovaja adznaka. To-bok, kali vy atrymali try «dziaviatki», a dalej uzmocniena vučylisia doma ŭ izalacyi, to za hod atrymajecie (9+9+9+0)/4=7 bałaŭ. Navat kali možacie praz noŭtbuk štodnia być na ŭroku i vykonvajecie ŭsie zadańni ad nastaŭnika», — piša piedahoh.
«Ja razumieju arhumienty, što kali nie pastaviš «n»-ku, a vučań patrapić u hety čas pad mašynu, to budzie adkazvać škoła. Ale ž karanavirus paralizuje škoły pa ŭsim śviecie jašče ź zimy, [a ŭ Biełarusi] dzieci masava pierastali chadzić u škoły jašče miesiac tamu, — adznačaje Małyščyc. — Što zaminaje vam sieści i choć krychu papracavać? Unieści źmieny ŭ pałažeńni ab atestacyi, uvieści chacia b jurydyčna paniaćcie «Dystancyjnaja adukacyja», uzhadnić usie rašeńni ź inšymi viedamstvami i orhanami. Niešta nie adpaviadaje kodeksu ab adukacyi? Dyk davajcie ŭniasiom źmieny! Zrazumieła, što situacyja niestandartnaja, zrazumieła, što daviadziecca papracavać bolš zvyčajnaha — ale ž vy nie zavuč małakamplektnaj škoły, vy — cełaje ministerstva, jakoje jakraz dla hetaha i stvorana!
Zamiest hetaha kožny dzień my nazirajem niejkija supiarečlivyja ruchi. To dzieci mohuć nie iści ŭ škoły, to abaviazanyja z 29 krasavika. To ŭsim zarehistravacca na sierviery dystancyjnaj adukacyi, to ŭ nas dystancyjnaja adukacyja ŭ Kodeksie nie prapisanaja.
Prosta treba pryznać, što ŭ składanych situacyjach nichto prymać novyja rašeńni niazdolny. Što subotniki my arhanizavać možam, a voś naładzić navučalny praces u novych umovach — nie. Što na prajekt «Elektronnaja škoła» patracili miljony, ale ŭ pa-sapraŭdnamu elektronnym navučańni jon anijak nie moža dapamahčy», — narakaje Viktar Małyščyc.
Čytajcie taksama
Nastaŭniki źviartajucca da ministra Karpienki: Pazbavić atestacyi dziaciej, jakija navučajucca doma — niepiedahahična i nie pa-ludsku
Minadukacyi: Toje, što Hannu Sieviaryniec nie zvalniajuć, demanstruje humanizm ułady
Ciapier čytajuć
Pra Miełkaziorava ŭ jaho apošni dzień: «Było adčuvańnie, što jon stomleny, brakuje enierhii, rysy tvaru byli zapałyja»5
Kamientary