Redaktar «SB» pra niedziaržaŭnych žurnalistaŭ: Heta hnidy i mrazi, patrebny kuli i emihrancki parachod
U adnoj z fejsbuk-supołak aŭtar «Sovietskoj Biełoruśsii» Dźmitryj Krat aburyŭsia tym, što «hetyja rabiaty» [z kantekstu — niedziaržaŭnyja ŚMI] pry aśviatleńni aficyjnaj statystyki pa zachvarełych na COVID-19 robiać akcent na ahulnaj kolkaści vypadkaŭ karanavirusa, a nie kolkaści tych, chto vylečyŭsia.
Kaleha Krata, redaktar adździeła žurnalisckich rasśledavańniaŭ Raman Rudź pieršym ža kamientam zadaŭ ton abmierkavańniu.
«Heta zvyčajnyja hnidy i mrazi, ničoha čałaviečaha ŭ ich niama, tamu ź imi treba havaryć ź inšych pazicyj, jak ź nieludziami i paskudździem», — prakamientavaŭ Raman Rudź i dadaŭ, što zamiest słovaŭ lepš kuli.
Potym Rudź, jaki naradziŭsia ŭ Rasii, a vyras u Manholii, vysunuŭ ideju vysłać žurnalistaŭ Tut.by i «Našaj Nivy» ź Biełarusi ŭ Polšču emihranckim parachodam, bo «jany nie patrebny krainie, heta parazity na jaje ciele».
Prapanovu Rudzia łajkami padtrymali muzyčny krytyk «SB» Julija Andrejeva, redaktar časopisa «Śpiecnaz» Andrej Dziemiancieŭski, «kazak» Piatro Šapko i inšyja piersanažy.
«Naša Niva» pisała pra Krata i Rudzia — dziejačoŭ adździeła rasśledavańniaŭ «SB», u zadačy jakoha ŭvachodzić nie pošuk nieviadomych značnych faktaŭ, a mastackaje pierapisvańnie atrymanaj ad siłavikoŭ infarmacyi.
Zajmalny fakt — uradženiec ukrainskaj Horłaŭki Krat nastolki pryncypovy ŭ svaich pohladach, što śpiecyjalna źmianiŭ u pašparcie tranśliteracyju svajho proźvišča ź biełaruskaha varyjantu «Krat» na rasijski «Kriat».
Čytajcie: Žurnalisty «Sovietskoj Biełoruśsii» Dźmitryj Krat i Raman Rudź, jakija radavalisia zatrymańniu kaleh, — chto jany takija i adkul uzialisia
Ciapier čytajuć
Chrysta Hrozieŭ: ad ramantyka-radyjoamatara da čałavieka, jaki vykryŭ samyja zmročnyja tajamnicy HRU i FSB. Jak jaho vierbavała śpiecsłužba Luksiemburha i jak jon vymušany chavacca ciapier
Kamientary