Pucin znoŭ nahavaryŭ pra padziei, što papiaredničali Druhoj suśvietnaj
Prezident Rasii Uładzimir Pucin u intervju žurnalistu Andreju Kandrašovu znoŭ źviarnuŭ uvahu na padziei, jakija papiaredničali Druhoj suśvietnaj vajnie, piša lenta.ru.
Kiraŭnik rasijskaj dziaržavy zaklikaŭ Zachad asudzić tak zvanuju Miunchienskuju zmovu i padzieł Čechasłavakii, pra što jon kazaŭ u śniežni minułaha hoda. Pucin nahadaŭ, što pahadnieńnie, jakoje ŭ savieckaj i rasijskaj histaryjahrafii pryniata nazyvać Miunchienskaj zmovaj, zaklučyli ź fiuraram Adolfam Hitleram kiraŭniki Vialikabrytanii, Francyi i Italii. «Jak by tam było pryjemna ci niepryjemna kamuści, ale ŭ hetym paŭdzielničała Polšča tahačasnaja.
Bolš za toje: naŭprost ustupili ŭ zmovu z Hitleram, pryčym piersanalna», — dadaŭ prezident.
Na dumku Pucina, sproby pierapisać historyju robiacca dla taho, kab «uzbadzioryć elektarat».
U śniežni Uładzimir Pucin niekalki razoŭ zakranuŭ temu pieradvajennaj palityki šerahu jeŭrapiejskich dziaržaŭ i, u pryvatnaści, zhadvaŭ dziejnaść Juzefa Lipskaha, jaki, budučy ambasadaram Polščy ŭ Trecim rejchu, pazityŭna vykazaŭsia pra ideju Adolfa Hitlera vysłać habrejaŭ sa Staroha śvietu ŭ Afryku. U adnym z vystupaŭ prezident Rasii nazvaŭ Lipskaha svołačču i antysiemickaj śvińnioj. Z-za zajavaŭ kiraŭnika dziaržavy rasijski pasoł u Varšavie Siarhiej Andrejeŭ byŭ vyklikany ŭ MZS Polščy, dzie, pa słovach dypłamata, adbyłasia žorstkaja razmova.
Kamientary