Redaktar adździeła «SB»: Nie treba hulać u vybary. Kiraŭnik, jaki dasiahnuŭ stabilnaści, źmianiacca nie pavinien
Redaktar adździeła rasśledavańniaŭ «Sovietskoj Biełoruśsii» Raman Rudź pryznaŭsia ŭ fejsbuku, što nie bačyć sensu ŭ praviadzieńni prezidenckich vybaraŭ kožnyja 5 hadoŭ. Na jaho dumku, kiraŭnik krainy, jaki dasiahnuŭ hramadzianskaha miru i bolš-mienš stabilnaha žyćcia, pavinien kiravać jak maha daŭžej — «zakonna i pa-čałaviečy».
«Vy kažacie ź cichim žacham ab 26 hadach [kiravańnia Łukašenki], jak byccam heta niešta drennaje. Ja kažu pra niaźmiennaść ułady, jak pra niešta dobraje.
Jaje źmienlivaść nie dla słavianskaha mientalitetu. U indyvidualistyčnaj Jeŭropie chaj hulajuć, ale ŭ našym kalektyŭnaj, kali chočacie, plemiannoj śviadomaści pravadyr pavinien kiravać jak maha daŭžej. Heta harantyja ad razładaŭ i viečnaj kryvi na fonie padziełu ŭłady.
5-hadovy termin prezidenctva — heta revierans 90-ch hadoŭ u bok naviazanaj nam zvonku madeli ŭłady.
Na prykładzie Ukrainy my bačym, što heta pravalny šlach: tam z kožnym novym prezidentam da ŭłady prychodziać novyja hrupy, jakija pačynajuć irvać krainu na kavałki.
Ja absalutna ŭpeŭnieny, što adziny kiraŭnik, kali jon dasiahnuŭ hramadzianskaha miru i bolš-mienš stabilnaha žyćcia, źmianiacca nie pavinien. Zakonna i pa-čałaviečy. Nazarbajeŭ u jakaści prykładu.
Bolš nie treba hulać u hetuju biaskoncuju pieradvybarčuju hulniu, marnujučy kožnyja piać hadoŭ na toje, kab dahadzić nahladčykam. Stomleny lidar sydzie sam, kali adčuje siabie słabym. A hvałtoŭnyja sproby skaracić jaho termin pryviaduć tolki da hvałtu. Znoŭ ža, Janukovič u jakaści prykładu», — pierakanany Raman Rudź.
Čytajcie taksama:
Žurnalisty «Sovietskoj Biełoruśsii» Dźmitryj Krat i Raman Rudź, jakija radavalisia zatrymańniu kaleh, — chto jany takija i adkul uzialisia
Redaktar «SB» pra niedziaržaŭnych žurnalistaŭ: Heta hnidy i mrazi, patrebny kuli i emihrancki parachod
Žuk pra «hnid i mraziej»: Chłopcy vobrazna patrolili. A ŭ «SB» pryjšła sapraŭdnaja pahroza
Ciapier čytajuć
Łukašenka pra vyzvaleńnie palitviaźniaŭ: Chočuć zastacca ŭ Biełarusi — kali łaska6
Kamientary