Zajmalnyja ličby: kolki zdali podpisaŭ za Kanapackuju ŭ roznych rajonach Minska
U piatnicu, 19 červienia, byŭ apošni dzień zdačy podpisaŭ u rajonnyja vybarčyja kamisii. Kankurenty imaviernaj kandydatki Hanny Kanapackaj raskazali karespandentu «NN» niekalki cikavych historyj pra jaje podpisy.
U Maskoŭskim rajonie Minska žyvie bolš za 300 tysiač čałaviek. Hety rajon druhi ŭ stalicy pa kolkaści žycharoŭ. Dla paraŭnańnia, nasielnictva ŭsiaho Bresta — 340 tysiač čałaviek.
Dyk voś, u kamisiju Maskoŭskaha rajona Kanapackaja adniesła ŭsiaho 19 padpisnych listoŭ. Na kožnym ź ich moža być nie bolš za 16 podpisaŭ. Takim čynam, va ŭsim Maskoŭskim rajonie ŭ Kanapackaj sabrałasia nie bolej za 300 podpisaŭ.
A voś u Partyzanskim rajonie — samym maleńkim, nasielnictva mienš za 100 tysiač čałaviek — Kanapackuju padtrymali bolš za 6000 podpisaŭ. Zborščyki kažuć, što Partyzanski rajon samy niazručny dla pikietaŭ, bo tam niama miescaŭ z masavym skapleńniem ludziej.
Naprykład, za Valeryja Capkału ŭ Partyzanskim rajonie zdali kala 4 tysiač podpisaŭ. Kali prymać ličby za praŭdu, to vychodzić, što Kanapackaja adpracavała ŭ hetym rajonie ŭ paŭtara raza bolš efiektyŭna.
Kamientary