U KDB i CVK nie pryniali 31 tysiaču podpisaŭ za vyłučeńnie Babaryki ŭ prezidenty
Siabry inicyjatyŭnaj hrupy Viktara Babaryki sprabavali pieradać u Kamitet dziaržaŭnaj biaśpieki 31 tysiaču podpisaŭ za vyłučeńnie Babaryki ŭ prezydenty, paviedamlaje Svaboda.
Heta podpisy z tych rajonaŭ, dzie štab nia mieŭ kaardynataraŭ. Pa zakonie padać takija dakumenty majuć prava sam Viktar Babaryka ci kiraŭnik štabu — jahony syn Eduard.
Pakolki Viktar i Eduard učora byli zatrymanyja, ciapier nichto nia moža padać častku podpisaŭ u rajonnyja vybarčyja kamisii. Pavodle apošniaj infarmacyi, abodva jany ŭ SIZA KDB.
«Mierkavałasia, što nam udasca pieradać padpisnyja arkušy Viktaru ci Eduardu ŭ SIZA KDB, kab jany ich padali siońnia. Moža, pry kanvajavavańni ci jašče niejkim čynam», — skazali Svabodzie ŭ štabie Viktara Babaryki.
Ale ŭ pryjomnaj KDB siabram inicyjatyŭnaj hrupy admovili, patłumačyŭšy, što heta nie kampetencyja orhanaŭ dziaržaŭnaj biaśpieki.
Paźniej usie hetyja podpisy advieźli ŭ CVK.
Tam podpisy taksama nie pryniali.
«Centralnaja vybarčaja kamisija padpisnyja arkušy nie prymaje», — dała piśmovy adkaz Lidzija Jarmošyna.
U štabie Viktara Babaryki skazali, što ŭ takim razie padpisnyja arkušy z 31 tysiačaj podpisaŭ zastanucca «na pamiać».
U Minsku adbylisia masavyja zatrymańni vydaŭcoŭ i kniharaspaŭsiudnikaŭ33
Kamientary