«Vieranika Capkała — vialikaje adkryćcio». Ale pres-kanfierencyja tryumviratu pakinuła nieadkazanaje pytańnie
Śviatłana Cichanoŭskaja niazručna siabie adčuvaje ŭ jakaści palityka, ale padkuplaje svajoj prostaściu. I jašče adna važnaja notka prahučała ad jaje: jana ćviorda ŭpeŭnienaja, što narod za pieramieny, suprać Łukašenki. Takoje adčuvańnie narodnych nastrojaŭ darahoha vartaje.
Havaryć jana ŭsio jašče nie rašajecca, choć jaje hałoŭnaje pasłańnie jasnaje: ja nie palityk. Ja nie palityk! Ja prosta idu vyzvalić muža i vas usich razam ź im. Ale ja nie zmahu zrabić taho biez vašaj padtrymki na vulicach.
Vieranika Capkała — vialikaje adkryćcio apošnich dzion. Jana vydatnaja pramoŭca i nie baicca nazyvać rečy svaimi imionami. Pryrodžany palityk. Dumaju, jaje rola ŭ hetyja tydni moža być klučavoj.
U toj ža čas adčuvałasia, jak usio robicca «na kalency» i biez padrychtoŭki. Udzielnicy pres-kanfierencyi navat nie damovilisia miž saboj, chto na jakija pytańni adkazvaje, jakija ŭ kaho śfiery adkaznaści, chto što na siabie biare i na jakija pytańni pakul nie varta davać adkazu.
Padkazki Kaleśnikavaj, jak adkazvać ci nie adkazvać, hladzielisia zabojča, a vybar u jakaści zały pamiaškańnia z kiepskaj akustykaj pazbaŭlaŭ mahčymaści stvaryć atmaśfieru narmalnaj hutarki.
U novym pavarocie padziej — źjaŭleńni tryumviratu — ludziej, kaniečnie, najbolš uražvaje sam hoły fakt. Jak skazała mnie ŭčora susiedka-piensijanierka: «Čytali ŭ internecie? Łukašenka ŭsich mužykoŭ pasadziŭ, to zamiest ich baby pajšli». «Małajcy baby!» — dadała jana.
U toj ža čas biez adkazu zastałosia hałoŭnaje pytańnie žurnalistaŭ. Praciŭniki dyktatury razumiejuć: paśla taho što adbyłosia, jany mohuć prademanstravać, kolki ich, vyklučna na vulicach. Adnak tryumvirat nie nazvaŭ hałoŭnaha: dzie i kali jon budzie pravodzić sustrečy z vybarcami i jakoha samavyražeńnia na hetych sustrečach ad ludziej čakaje.
* * *
Voś videa pres-kanfierencyi:
Pamior paet Uładzimir Karyzna, aŭtar słoŭ da ciapierašniaha dziaržaŭnaha himna Biełarusi8
Pamior paet Uładzimir Karyzna, aŭtar słoŭ da ciapierašniaha dziaržaŭnaha himna Biełarusi
Viadomy partret Kahanca akazaŭsia savieckim fejkam, zatoje znajšłosia adzinaje fota archieołaha Tatura. Razhadanyja fotatajamnicy Biełaruskaha muzieja ŭ Vilni
Kamientary