Marat Markaŭ: Prychilnikam Babaryki hałoŭnaje nie viedać praŭdu, a spačuvać
Śledstva pa spravie Biełhazprambanka pavinna być maksimalna adkrytym, kab vakoł jaho nie ŭźnikała śpiekulacyj i pahałosak. Pra heta zajaviŭ dyrektar pradstaŭnictva MTRK «Mir» u Biełarusi Uładzimir Piarcoŭ u efiry prahramy «Kłub redaktaraŭ» na telekanale «Biełaruś 1», paviedamlaje BiełTA.
«My jašče raz ad imia kłuba nastojvajem, kab śledstva i sudovy praces byli maksimalna adkrytymi,- skazaŭ Uładzimir Piarcoŭ. - Tady nie budzie sprobaŭ zrabić palityčnuju achviaru tam, dzie na samaj spravie banalnaje, pryznavanaje va ŭsim śviecie zvyčajnaje ekanamičnaje złačynstva».
Dyrektar — hałoŭny redaktar Vydavieckaha doma «SB. Biełaruś siehodnia» Dźmitryj Žuk padčas pieradačy zaŭvažyŭ, što pa spravie prachodzić nie tolki eks-kiraŭnik Biełhazprambanka Viktar Babaryka, ale i inšyja słužbovyja asoby. Usie jany dajuć poŭnyja detalaŭ pryznalnyja pakazańni, jakija, pa jaho słovach, prydumać niemahčyma. «Tyja, chto sumniajecca ŭ hetym, padobnyja da dzicia, jakoje schavałasia, zakryŭšy dałońkami tvar, ale na samoj spravie jaho bačać usie», — dadaŭ kiraŭnik chołdynhu.
Sa słoŭ Dźmitryja Žuka, z adnaho boku, biełarusy chočuć, kab było «jak u Jeŭropie», ź inšaha — u mientalnaści ŭ ludziej utaić prybytki i nie zapłacić padatki. «Kali dla amierykanca heta žorstkaje tabu, to ŭ nas ledź nie hierojstva: cha-cha, padmanuŭ dziaržavu. Chłopcy, davajcie staleć i rabicca cyvilizavanymi», — zaklikaŭ jon.
«Jak niechta cikava skazaŭ: napeŭna, u prychilnikaŭ Babaryki sfarmavaŭsia peŭny «stakholmski sindrom». Uźnikaje adčuvańnie, što im hałoŭnaje nie viedać praŭdu, a spačuvać», — u svaju čarhu adznačyŭ kiraŭnik telekanała ANT Marat Markaŭ.
Ciapier čytajuć
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB31
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB
«Ź mianie ničoha nie voźmieš, a ludzi paciarpieli». Para piensijanieraŭ druhi hod nie moža vypisać ź minskaj kvatery šmatdzietnuju siamju emihrantaŭ99
Kamientary