Pad Homielem pjany kiroŭca źbiŭ 16-hadovych viełasipiedystaŭ. Zahinuła dziaŭčyna
Jak paviedamlaje UUS Homielskaha abłvykankama, 18 lipienia, prykładna ŭ 21:40, 45-hadovy kiroŭca na «VAZ» z prykmietami ałkaholnaha apjanieńnia ruchaŭsia z boku horada Homiela ŭ kirunku aeraporta «Homiel». Pa darozie jon źbiŭ dvaich niepaŭnaletnich viełasipiedystaŭ, 16-hadovych dziaŭčynu i chłopca, jakija jechali ŭ spadarožnym kirunku kala pravaha kraju prajeznaj častki.
Chłopca adkinuła ŭ kiuviet, a dziaŭčynu na darohu, dzie jana trapiła pad aŭtamabil «Alfa Ramea», jaki ruchaŭsia zzadu ŭ spadarožnym kirunku. Za rulom byŭ 19-hadovy kiroŭca.
Ad atrymanych traŭm dziaŭčyna pamierła na miescy zdareńnia, a chłopiec z traŭmami špitalizavany.
Raspačataja kryminalnaja sprava. Śledčyja prosiać tych, chto maje infarmacyju pra zdareńnie, paviedamić pa telefonie 0232 69-30-78.
Kamientary