Stop-fejk. Kanapackaja raskazvaje, što siadzieła na sutkach, ale heta niapraŭda
Kandydatka ŭ prezidenty, byłaja deputatka Pałaty pradstaŭnikoŭ Hanna Kanapackaja ŭ intervju vydańniu kyky.org raskazała pra represii suprać jaje:
«Ja taksama na sabie vyprabavała ŭsio charastvo represij biełaruskaj dziaržavy. Ale mnie pašancavała: ja siadzieła nie hady, a sutki».
Heta nie pieršy raz, kali Kanapackaja raskazvaje, što siadzieła na sutkach.
Niekalki hadoŭ tamu padčas intervju ŭ «Toku» Kanapackaja taksama zhadvała svoj «aryšt».
«Heta byŭ vaš śviadomy vybar — addać dziaciej vučycca za miažu?» — spytali ŭ jaje žurnalisty.
«Nie, heta byli vymušanyja abstaviny paśla vybaraŭ 2014 hoda, kali ja była aryštavanaja, trapiła ŭ IČU, u mianie tady pačalisia nievialikija prablemy z padatkovaj, sa Śledčym kamitetam. Heta byŭ uśviadomleny vybar, što dla biaśpieki budzie bolš pravilna, kab dzieci źjechali», — adkazvała Kanapackaja.
«NN» raspytała toj vypadak staršyniu AHP Mikałaja Kazłova:
«Nikoli jana nie siadzieła. Adzin raz, vielmi daŭno, u 2014 hodzie, jaje zatrymali na Kamaroŭcy padčas pikieta razam z Anatolem Labiedźkam i Uładzimiram Ramanoŭskim. U dziažurnaj častcy jaje pratrymali hadzinu ci dźvie, navat u kamieru nie zavodzili», — kaža Kazłoŭ.
«Pieršy raz, kali jana skazała, što siadzieła na sutkach, to my viesialilisia. Ale składvajecca ŭražańnie, što jana sama pačynaje vieryć u toje, što kaža. Moža, chutka pačnie kazać, što razam sa Statkievičam termin matała. Nasamreč jana nie ŭjaŭlaje navat, jak vyhladaje kamiera i čym jana pachnie», — zaznačyŭ lidar AHP.
Štab Hanny Kanapackaj admaŭlajecca kantaktavać z žurnalistami «Našaj Nivy».
Ciapier čytajuć
Prosty biełarus ździviŭ ludziej, kali ŭ Hiermanii pryznavaŭsia ŭ lubovi da Łukašenki. Ale akazałasia, što jon niaprosty21
Kamientary