Novaje tok-šou na BT: Ejsmant i siem ekśpiertaŭ abmiarkoŭvali mety Cichanoŭskaj biez samoj kandydatki
U sieradovym viečarovym efiry «Biełaruś 1» źjaviłasia novaje tok-šou «Zrazumiełaja palityka plus». Jaho viadučyja — Viktoryja Siankievič i staršynia Biełteleradyjokampanii Ivan Ejsmant.
Nasuprać viadučych u studyi stajać čaćviora ekśpiertaŭ, usie jany majuć padobnuju pazicyju.
Naprykład, u pieršym vypusku prahramy vykazvalisia zvykłyja telepiersanažy Alaksandr Špakoŭski i Alaksiej Aŭdonin, a taksama kiraŭnik telekanała «Mir» Uładzimir Piarcoŭ i pieršy namieśnik ministra ŭnutranych spraŭ Hienadź Kazakievič.
Paśla pierapynku ich źmianiŭ kamunist Hieorhij Atamanaŭ razam z Vadzimam Hihinym i Alaksiejem Dziermantam. Piarcoŭ ža adstajaŭ za trybunaj abiedźvie pałovy prahramy.
Prahrama praciahvałasia amal paŭtary hadzin, ale nivodnamu ekśpiertu z alternatyŭnym mierkavańniem słova tak i nie dali.
Raniej prahrama z padobnaj stylistykaj i padobnymi dekaracyjami nazyvałasia prosta «Zrazumiełaja palityka». Jaje viadučy Siarhiej Husačenka na praciahu 15-20 chvilin začytvaŭ tekst z suflora. Karcinku raznastajvali siužety pa temie.
-
Šlacham Cichanoŭskaha: redaktarka rajonki i łukašenkaŭski błohier tak zachapilisia prablemami Barysava, što pryjšli da kramolnych vysnovaŭ
-
Dzie ciapier Kirył Kazakoŭ — były kiraŭnik STB, «chrosny baćka» Azaronka i inšych prapahandystaŭ?
-
Biełaruskamoŭny dziciačy časopis «Matulina soniejka» prypyniŭ svoj vychad
Ciapier čytajuć
Vučniaŭ, jakija z matam parvali ekzamienacyjnyja bilety pa historyi Biełarusi, prymusili vybačacca kala manumienta Pieramohi47
Kamientary