Cichanoŭskaj sabrali bolš hrošaj, čym dazvolena. Štab prosić adhuknucca dabradziejaŭ
Dla vybarčaha fondu kandydata ŭ prezidenty RB isnuje abmiežavańnie — 9 000 bazavych vieličyń, heta 243 tysiačy rubloŭ. Mienavita takuju sumu možna vydatkavać z rachunku.
U štab Śviatłany Cichanoŭskaj pastupiła našmat bolš — 280 tysiač. Kamanda kandydatki vyrašyła spynić zbor, bo ŭsio roŭna treba budzie viartać toje, što zastaniecca. Dyk voś ciapier z hetaj sumy ličycca ananimnymi paradku 80 tysiač biełaruskich rubloŭ, paviedamlajuć u štabie. Heta značyć, što nie chapaje źviestak adpraŭnika.
«My b chacieli adnavić usie hetyja hrošy — nie tolki 43 tysiačy, jakija my jašče mahli b vydatkavać, ale i astatnija — tady my zdolejem viarnuć ich adpraŭniku, a inakš jany prosta syduć u biudžet.
Tamu my prosim usich, chto pieraličyŭ hrošy ŭ vybarčy fond Śviatłany Cichanoŭskaj i pakul nie vyśvietliŭ ich los, źviarnucca da Maryny, kantaktnaj asoby štaba Śviatłany pa hetym pytańni. Jaje telefon: +375 29 831 9520. Napišycie joj paviedamleńnie ŭ luby miesiendžar sa svaim proźviščam, imiem — i jana źviažacca z vami i paviedamić, ci prajšoŭ płaciež»,
— prosiać u štabie Śviatłany Cichanoŭskaj.
Kamientary