zdać ekzamien pa anhlijskaj movie ŭ hetaj krainie dla atrymańnia atestata ab siaredniaj adukacyi.
Aktyvist maładziožnaha demakratyčnaha ruchu Biełarusi Ivan Šyła źviarnuŭsia da ministra adukacyi Polščy Kataržyny Chal z prośbaj dazvolić jamu zdać ekzamien pa anhlijskaj movie ŭ hetaj krainie dla atrymańnia atestata ab siaredniaj adukacyi.Pra heta paviedamiła pres‑słužba mižnarodnaj maładziožnaj arhanizacyi «Małady front».
U svaim liście Ivan Šyła, jaki ź`iaŭlajecca namieśnikam staršyni «Maładoha frontu», paviedamlaje, što letam 2008 hoda jaho vyklučyli sa škoły napiaredadni apošniaha ekzamienu «pa palityčnych matyvach». «Ja źviarnuŭsia ŭ sud, ale nie zmoh dabicca tam spraviadlivaści z pryčyny zaležnaści biełaruskich sudździaŭ ad vykanaŭčaj ułady. U lutym 2009 hoda mianie, u parušeńnie ŭsich jurydyčnych pracedur i normaŭ, hvałtoŭnym i niezakonnym čynam zabrali ŭ armiju», — piša maładziožny aktyvist.
U padobnych situacyjach, havorycca ŭ liście, apynulisia lider arhanizacyi «Moładź BNF» Franak Viačorka i aktyvist «Maładoha frontu» Źmicier Chviedaruk.
«Ciapier ja znachodžusia ŭ armii, ale maju zakonnaje prava zdać apošni školny ekzamien, pra što mnie było paviedamlena pradstaŭnikami ŭładaŭ padčas pryzyvu.Kali ž dajšło da spravy, to biełaruskija Ministerstva abarony i Ministerstva adukacyi pačali ŭchilacca ad dazvołu mnie hetaj poŭnaściu zakonnaj mahčymaści», — piša Šyła.
Maładziožny aktyvist spadziajecca, što ministr adukacyi Polščy daść jamu mahčymaść zdać apošni školny ekzamien. Pry hetym Ivan zaznačaje, što polski ŭrad «zaŭsiody najbolš efiektyŭna padtrymlivaŭ biełaruskaje hramadstva». U jakaści prykładu aŭtar lista ŭzhadvaje adukacyjnuju prahramu imia Kastusia Kalinoŭskaha.
Ciapier čytajuć
Biełarusy sustrakajuć vyzvalenych palitviaźniaŭ u Vilni FOTY i VIDEA2
Kamientary