Katalicki biskup Viciebska: Pabudavanyja na kryvi sistemy ŭ historyi nikoli nie byli tryvałymi
Biskup katalickaha kaścioła ŭ Viciebskaj vobłaści Aleh Butkievič vystupiŭ sa zvarotam, piša catholic.by
«Naša kraina pieražyvaje nie samy lohki čas svajoj historyi. Čarhovyja vybary vyklikali ŭ našym hramadstvie kryzis, u jaki vylilisia napružanaść pieradvybarčaj kampanii i, usio ž taki, nie całkam karektny padlik hałasoŭ.
Adnak kožny kryzis pobač z balučaściu jaho pracesu zaŭsiody chavaje ŭ sabie pazityŭny patencyjał źmienaŭ na lepšaje. Jak jaho raskryć? Napeŭna, heta nie adbudziecca na šlachu hvałtu i nianaviści.
Pabudavanyja na kryvi sistemy ŭ historyi nikoli nie byli tryvałymi, a Spraviadlivaść zaŭsiody viartała ździejśnienaje tym, chto pierastupaŭ usialakija ludskija (nie kažučy ŭžo pra Božyja) normy.
Tamu vyjście tolki adno — treba šukać praŭdu! Heta važna, kab być peŭnym, što abaraniaju mienavita praŭdu, a nie padman. I treba viedać, što praŭdy napeŭna nie budzie tam, dzie jość hvałt. Treba razmaŭlać i mieć dobruju volu pačuć adno adnaho! Kali chočam budavać cyvilizavanuju krainu, to i srodki vyrašeńnia kanfliktaŭ u nas niachaj buduć cyvilizavanyja. Niachaj Boh budzie nam u hetym dapamohaj, bo Jon viedaje, što dabro zaŭsiody macniejšaje za zło. Varta, kab kožny z nas siońnia pra heta pamiataŭ.
Zrazumieła, što my nie žyviom u idealnym śviecie. I nichto nie žyvie ŭ im, ale zaŭsiody možna dać šanc razvažlivaści i zdarovamu rozumu. Zaŭsiody! Da hetaj razvažlivaści zaklikaju siońnia kožnaha, chto žyvie ŭ Biełarusi. Jak viadoma, emocyi nikomu i nikoli nie byli jašče dobrym daradčykam, a voś achviary jany mohuć sabrać šmatlikija. Hetaha ni ŭ jakim vypadku nielha dapuścić!
Tamu skiroŭvaju haračuju prośbu da ŭsich vierujučych ludziej, pieradusim da katolikaŭ, ab malitvie za našu krainu.
My majem vielmi dziejsnuju «zbroju» ŭ takich situacyjach — Ružaniec. Nieadnojčy hetaja malitva ratavała ludziej i cełyja krainy ŭ ciažkija chviliny, niachaj i nam daść siońnia Božuju dapamohu i padtrymku. Zaachvočvaju malicca prynamsi adnoj tajamnicaj Ružanca ŭ dzień u intencyi mirnaha vyrašeńnia składanaj situacyi u našaj krainie, a taksama achviaravać u hetaj intencyi post. Daručym zastupnictvu Baharodzicy, našaj Maci, a taksama śviatomu Archaniołu Michału naš siońniašni dzień i našu budučyniu.
-
Što rabić baćkam, kali ich dzicia ckujuć u škole, kab bulinh nie skončyŭsia trahiedyjaj? Tłumačyć psichołah
-
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski
-
Zołatava raskazała pra palitźniavolenuju Volhu Čukaravu ź insultam, što aślepła ŭ kałonii. Joj kazali: «Vy prydurvajeciesia?»
Ciapier čytajuć
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2222
Kamientary