Hrodzienskija ŭłady pieradumali: usio ž nielha ładzić mitynhi ŭ centry horada
Pratestoŭcy ŭ Hrodnie damahlisia ad miascovych uładaŭ dazvołu na mitynhi na płoščach Lenina i Savieckaj u centry horada. Ale jak vyjaviłasia, nienadoŭha.
Hrodzienskija aktyvisty paviedamlajuć, što im pryjšła piśmovaja admova za podpisam namieśnicy staršyni Hrodzienskaha harvykankama Zoi Kulešy ŭ praviadzieńni mitynhu 23 žniŭnia ŭ centry horada. U adkazie havorycca, što płoščy Lenina i Savieckaja z 20 žniŭnia bolš nie źjaŭlajucca miescam dla praviadzieńnia masavych mierapryjemstvaŭ. U toj ža čas na 22 žniŭnia na płoščy Lenina zapłanavany mitynh u padtrymku Alaksandra Łukašenki.
Siońnia Łukašenka daručyŭ ministru abarony i kamandujučamu Zachodnim apieratyŭnym kamandavańniem zrabić usie namahańni, kab «abaranić pierš za ŭsio Zachodniuju žamčužynu Biełarusi z centram u Harodni». «Z pryniaćciem samych žorstkich mier pa abaronie terytaryjalnaj cełasnaści našaj krainy», — padkreśliŭ jon.
Ciapier čytajuć
«Zapuskajcie dalej saluty, a ja vykliču milicyju». Biełarusy spračajucca pra zabaronu na fiejervierki2
Kamientary