Гродзенскія ўлады перадумалі: усё ж нельга ладзіць мітынгі ў цэнтры горада
Пратэстоўцы ў Гродне дамагліся ад мясцовых уладаў дазволу на мітынгі на плошчах Леніна і Савецкай у цэнтры горада. Але як выявілася, ненадоўга.
Гродзенскія актывісты паведамляюць, што ім прыйшла пісьмовая адмова за подпісам намесніцы старшыні Гродзенскага гарвыканкама Зоі Кулешы ў правядзенні мітынгу 23 жніўня ў цэнтры горада. У адказе гаворыцца, што плошчы Леніна і Савецкая з 20 жніўня больш не з'яўляюцца месцам для правядзення масавых мерапрыемстваў. У той жа час на 22 жніўня на плошчы Леніна запланаваны мітынг у падтрымку Аляксандра Лукашэнкі.
Сёння Лукашэнка даручыў міністру абароны і камандуючаму Заходнім аператыўным камандаваннем зрабіць усе намаганні, каб «абараніць перш за ўсё Заходнюю жамчужыну Беларусі з цэнтрам у Гародні». «З прыняццем самых жорсткіх мер па абароне тэрытарыяльнай цэласнасці нашай краіны», — падкрэсліў ён.
Каментары