Zvolnienaha za bieł-čyrvona-bieły ściah ratavalnika nie kinuli ŭ biadzie: žyllo znajšli, prapanavali novuju pracu
Maksima Stašulonka zvolnili z MNS pavodle artykułu. Śpiarša jaho ŭhavorvali zvolnicca pa pahadnieńni bakoŭ, ale ratavalnik admoviŭsia. Jon źbirajecca praz sud abskardžvać svajo zvalnieńnie, pieradaje Radyjo Svaboda.
U Miensku idzie baraćba za bieł-čyrvona-biełyja ściahi, hramadzianie ich masava vyviešvajuć, a nieviadomyja zdymajuć, čas ad času ich zdymajuć supracoŭniki MNS. Ale nia ŭsie padtrymlivajuć takija zahady kiraŭnictva.
«Paviedamiŭ u čat, dzie buduć zdymać ściahi»
8 vieraśnia Maksim zastupiŭ na dziažurstva, pačuŭ na vulicy razmovu pra toje, što zaraz u dva miescy Frunzenskaha rajonu pryjeduć zdymać bieł-čyrvona-biełyja ściahi. Pra heta Maksim napisaŭ u čacie žycharoŭ Frunzenskaha rajonu.
«Ja zastupiŭ na dziažurstva, jak zvyčajna. Tolki vyjšaŭ z adpačynku, pakul sa ściahami nie sutykaŭsia, tolki čuŭ, što hetym zahadvajuć zajmacca ratavalnikam. Ja ad hetaha ŭžo nervavaŭsia. Prachodziŭ poruč i pačuŭ razmovu dvuch čałaviek. Jany pieraličvali adrasy, ja zapomniŭ dva i napisaŭ u čat. Paśla ja vydaliŭ paviedamleńnie i napisaŭ prosta administrataru čatu», — raskazvaje Maksim.
Maksima vyklikała na razmovu kiraŭnictva i paprasiła napisać tłumačeńni, ad čaho jon admoviŭsia i skazaŭ, što ničoha nie parušaŭ. Paśla hetaha Maksima vyklikali jašče raz i dali padpisać zahad ab zvalnieńni. Kiraŭnictva vyrašyła, što jon parušyŭ: prysiahu, padpisku ab nievydavańni słužbovaj infarmacyi i dziaržaŭnych tajnaŭ, a taksama dva punkty kantraktu.
«Ludzi pačali masava padtrymlivać»
«Ja nie liču, što niešta parušyŭ, mnie padabajecca maja praca. Napisaŭ, što aznajomiŭsia z zahadam, ale nia zhodny ź im. Mnie nie pakazali niejkaj dakumentacyi, niejkich zahadaŭ. Pry čym tut da parušeńniaŭ razmova niejkich dvuch čałaviek? Mianie adrazu pačali padtrymlivać ludzi, pisać. Ja vielmi chvalavaŭsia, jak adreahuje žonka, bo ŭ nas małoje dzicia i čakajem druhoje, ale jana viedała maju pazycyju i padtrymała», — kaža Maksim.
Jon kaža, što biaspłatna znajšoŭ advakata i ciapier budzie abskardžvać svajo zvalnieńnie. I choć spačatku Maksimu kazali, što jon musić pakinuć internat ciaham troch dzion, ciapier da asprečvańnia zvalnieńnia jaho nie vysialajuć.
«Mnie pryjšła vialikaja padtrymka ad ludziej, samaje hałoŭnaje pytańnie — z žyllom — vyrašanaje, pastupili dziasiatki prapanoŭ z pracaj», — havoryć Maksim.
Ciapier čytajuć
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru1616
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru16
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary