Alaksiej Navalny, rasijski apazicyjanier, jaki lečycca ŭ Hiermanii ad atručvańnia, pahavaryŭ ź niamieckim prakuroram ab zamachu na svajo žyćcio i zajaviŭ, što płanuje viarnucca ŭ Rasiju, jak tolki papravicca, piša The New York Times sa spasyłkaj na vysokapastaŭlenaha supracoŭnika Słužby biaśpieki Hiermanii.
Navalny znachodziŭsia ŭ miedykamientoznaj komie ŭ bierlinskaj balnicy «Šaryte», i było niezrazumieła, u jakim stanie jon budzie, kali pryjdzie ŭ prytomnaść.
«Jon całkam uśviedamlaje svoj stan, jon całkam uśviedamlaje, što adbyłosia, i jon całkam uśviedamlaje, dzie jon znachodzicca», — skazaŭ čynoŭnik.
Napiaredadni łabaratoryi ŭ Francyi i Šviecyi paćvierdzili, što dla atručvańnia Navalnaha, była vykarystanaja madyfikacyja niervova-paralityčnaha rečyva «Navičok», pra što raniej kazali niamieckija daktary. Heta daje dadatkovuju ŭpeŭnienaść u datyčnaści da atručvańnia rasijskaj dziaržavy, piša hazieta.
Ciapier čytajuć
«Miesiačny płaciež paciahnie na 340 rubloŭ». Što budzie ŭ Biełarusi z mabilnym internetam?15
Kamientary