U Babrujsku siastra pryjšła na sud da brata — asudzili i jaje
15 vieraśnia ŭ Babrujsku razhladałasia sprava Ivana Chamrenki za ŭdzieł u šeści. Jon atrymaŭ štraf, ale na svabodu nia vyjšaŭ. Aprača taho ŭ sudzie zatrymali i jahonuju siastru Irynu Kupcevič, piša «Svaboda».
Ivana Chamrenku zatrymali jašče 25 žniŭnia, skłali pratakoł za ŭdzieł u šeści i adpuścili damoŭ. Sud nad im pačaŭsia 9 vieraśnia i ciahnuŭsia niekalki dzion.
Ranicaj 15 vieraśnia na abviaščeńnie vyraku pryjšła siastra Ivana, žurnalistka Reform.by Iryna Kupcevič. Jaje prosta z budynku sudu milicyjanty advieźli ŭ HUUS na składańnie pratakołu taksama za ŭdzieł u šeści 13 vieraśnia. 14 vieraśnia Irynie telefanavaŭ učastkovy, zaprašaŭ na hutarku — jana prychodziła ŭ damoŭleny čas, ale jaho nie było.
Tym časam Ivanu prysudzili štraf 675 rubloŭ i prosta ŭ zali suda zatrymali druhi raz, hetym razam za ŭdzieł u šeści 13 vieraśnia.
Pa abiedzie nad bratam i siastroj adbylisia sudy. Iryna Kupcevič atrymała pakarańnie ŭ vyhladzie štrafu 10 bazavych, a Ivan Chamrenka ŭ dadatak da papiaredniaha štrafu — 7 sutak aryštu.
Kamientary