15 верасьня ў Бабруйску разглядалася справа Івана Хамрэнкі за ўдзел у шэсьці. Ён атрымаў штраф, але на свабоду ня выйшаў. Апрача таго ў судзе затрымалі і ягоную сястру Ірыну Купцэвіч, піша «Свабода».
Івана Хамрэнку затрымалі яшчэ 25 жніўня, склалі пратакол за ўдзел у шэсьці і адпусьцілі дамоў. Суд над ім пачаўся 9 верасьня і цягнуўся некалькі дзён.
Раніцай 15 верасьня на абвяшчэньне выраку прыйшла сястра Івана, журналістка Reform.by Ірына Купцэвіч. Яе проста з будынку суду міліцыянты адвезьлі ў ГУУС на складаньне пратаколу таксама за ўдзел у шэсьці 13 верасьня. 14 верасьня Ірыне тэлефанаваў участковы, запрашаў на гутарку — яна прыходзіла ў дамоўлены час, але яго не было.
Тым часам Івану прысудзілі штраф 675 рублёў і проста ў залі суда затрымалі другі раз, гэтым разам за ўдзел у шэсьці 13 верасьня.
Па абедзе над братам і сястрой адбыліся суды. Ірына Купцэвіч атрымала пакараньне ў выглядзе штрафу 10 базавых, а Іван Хамрэнка ў дадатак да папярэдняга штрафу — 7 сутак арышту.
Цяпер чытаюць
«Вельмі добра разумею беларускую мову. Нават не думаў». З'явілася ВІДЭА размовы беларускіх палітвязняў з Зяленскім17
«Вельмі добра разумею беларускую мову. Нават не думаў». З'явілася ВІДЭА размовы беларускіх палітвязняў з Зяленскім
Бабарыка і Калеснікава пагаварылі з Інгай Ругінене і заклікалі Літву «далучыцца да дыпламатычных намаганняў ЗША» і «не прапусціць акно магчымасцей»3636
Каментары