U Mahilovie asudzili žančynu z 30-mietrovym bieł-čyrvona-biełym ściaham
U Mahilovie asudzili ŭdzielnicu Maršu hierojaŭ Irynu Piatrovu, jakaja z akcyi pratestu niesła 30-metrovy bieł-čyrvona-bieły ściah. Jaje pakarali štrafam u 405 rubloŭ, piša «Svaboda».
Da sudu žančynu dvoje sutak trymali ŭ izalatary. Sud adbyŭsia praz skajp ź Leninskaha adździełu milicyi. Paviedamleńnia pra praces na došcy abjavaŭ sudu, jaki razhladaŭ spravu Piatrovaj, nie było.
Pieraškadžała inšym hramadzianam adpačyvać
Na «Maršy hierojaŭ» 13 vieraśnia prychilniki pieramienaŭ prajšli z 30-metrovym bieł-čyrvona-biełym ściaham praz usie centralnyja vulicy Mahilova. Im zatulali aŭtazaki, što supravadžali kalonu, jakaja naličvała da 3 tysiač čałaviek.
Jak kaža Iryna Piatrova, za joj pilnavaŭ supracoŭnik u milicyi ŭ cyvilnym, jaki znachodziŭsia razam z pratestoŭcami, a paśla zakančeńnia akcyi pratestu, kali jana zastałasia adna, jaje zatrymali. Piatrova kaža, što ŭziała ściah damoŭ, «kab zamyć plaminy». U milicyi jaho zabrali.
Na žančynu skłali try pratakoły za ŭdzieł u niesankcyjanavanych mierapryjemstvach. Ich abjadnali ŭ adnu spravu. Dla razhladu Piatrovu dastavili ź izalataru ŭ Leninski adździeł milicyi, ź jakoha dystancyjna i sudzili. Dokazam viny było videa, na jakim žančyna trymajecca razam z hrupaj hramadzian za ściah.
Iryna Piatrova adznačaje, što na razhladzie spravy joj skazali, što sudziać jaje za toje, što razam ź inšymi hramadzianami chadziła pa vulicach i pieraškadžała adpačyvać inšym hramadzianam vyhukvańniem lozunhaŭ.
Cisk i abrazy ŭ milicyi
Iryna kaža, što ŭ milicyi dvoje supracoŭnikaŭ sprabavali na jaje psychalahična cisnuć. Adzin ź ich kazaŭ, što na prateście nia bačyŭ «prystojnych ludziej, tolki takich, što stajać pad kramaju».
Pałochali tym, što ŭ nastupny raz, kali zatrymajuć, to pryciahnuć da kryminalnaj adkaznaści. Pa słovach žančyny, supracoŭniki davodzili joj, što «im brydka dakranacca ściaha».
Ciapier čytajuć
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata1212
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata12
Vajb-prahramavańnie źmienić rolu raspracoŭščyka, RLVR, i kali łopnie burbałka. Biełarus-inžynier u halinie ŠI, jaki pracuje ŭ ZŠA, raskazaŭ, što nas čakaje ŭ 202633
Kamientary