Zvalniajecca dyrektar Instytuta sacyjałohii. Heta jon paćvierdziŭ rejtynh davieru Łukašenku ŭ Minsku — 24%
Pra heta Hienadź Koršunaŭ napisaŭ u svaim fejsbuku, zaznačyŭšy, što apošnim dniom jaho pracy ŭ instytucie budzie 18 vieraśnia. Pryčyny jon nie nazvaŭ, zaznačyŭšy, što «sioleta abstaviny skłalisia takim čynam», što daviałosia «prasić zvolnić pavodle zhody bakoŭ».
«Vielmi chočacca vieryć, što moj sychod nijak nie adabjecca na pracy maich lubimych akademičnych sacyjołahaŭ. I što ŭsie idei, płany, zadumki, jakija my stvarali razam, realizujucca. Kalehi, siabry — dziakuj usim, z kim my pracavali razam. Uvohule, kali začyniajucca dźviery administracyjnaj pracy, adkryvajecca prastor dla navukova-daśledčaj dziejnaści. Moža, jano i niadrenna», — dadaŭ jon.
Hienadź Koršunaŭ u červieni paćvierdziŭ u intervju «Narodnaj voli» źviestki sacyjołahaŭ, što źjavilisia ŭ internecie, što rejtynh davieru Łukašenku ŭ Minsku składaŭ 24%, a CVK — 11%.
«Heta našy źviestki, tak. Heta krasavickija źviestki. Daśledavańnie pravodziłasia ŭ sakaviku — pačatku krasavika. Choć tut pravilniej było b kazać nie pra rejtynh, a pra ŭzrovień, ale niachaj», — skazaŭ tady Hienadź Koršunaŭ.
Ciapier čytajuć
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB29
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB
«Ź mianie ničoha nie voźmieš, a ludzi paciarpieli». Para piensijanieraŭ druhi hod nie moža vypisać ź minskaj kvatery šmatdzietnuju siamju emihrantaŭ88
Kamientary