«Zzadu siłavik, napieradzie — taksama». Žurnalisty znajšli pasažyra taksista, jaki pavioz pratestoŭca «jak u kino»
Učora ŭviečary ŭ sieciva trapiła videa, źniataje vidavočcam na vulicy Bieruta ŭ Minsku: taksist pavioz chłopca, što ŭciakaŭ ad siłavikoŭ. Rolik aktyŭna abmiarkoŭvajuć karystalniki, maŭlaŭ, padziei na im raźvivalisia jak u sapraŭdnym kino. Siońnia z AUTO.TUT.BY źviazaŭsia toj samy pasažyr imklivaha taksi i trochi raspavioŭ pra zdareńnie.
Chłopiec, jaki ŭciakaŭ ad siłavikoŭ, navučajecca ŭ adnym sa staličnych VNU, jamu 18 hadoŭ. Jon nie chavaje: znachodziŭsia ŭ rajonie stancyi mietro «Puškinskaja» razam z prysutnymi, tym samym pakazvaŭ svajo staŭleńnie da taho, što adbyvajecca ŭ krainie.
— Kali ludzi pierakryli darohu, pryjechali aŭtazaki. Usie kinulisia chavacca ŭ dvarach, ja taksama. Padbieh da adnaho adkrytaha padjezda i trymaŭ dźviery: kab pabolš ludziej zabiehli i schavalisia. Nie zaŭvažyŭ, jak z-za vuhła doma vyskačyli siłaviki i pabiehli da nas, — uspaminaje chłopiec.
Mnohich z tych, chto byŭ u padjeździe, zatrymali, ale student paśpieŭ vykrucicca i pabieh u bok, siłaviki — za im.
— Heta byli siekundy: biahu — zzadu siłavik, napieradzie, na hazonie, — jašče adzin. Ja ŭ bok, da darohi. Čuju, mnie niechta kryčyć: «Davaj, da mianie zaskakvaj!» Heta i byŭ toj samy taksist.
Pa słovach pasažyra taksi, u mašynie było adčyniena akno, praź jakoje siłaviki sprabavali dabracca da kiroŭcy, udaryli pa aŭtamabili dubinkaj.
— Varyjanta vyjechać na sustrečnuju nie było, tamu taksist pajechaŭ pa abočynie. Na videa bačna, jak koły aŭtamabila zaskočyli na bardziur.
Taksi pajechała ŭ bok Kalvaryjskaj, potym badziałasia pa horadzie. Pahoni za mašynaj nie było. Praź niekatory čas kiroŭca vysadziŭ svajho pasažyra na adnoj sa staličnych vulic.
— Ubačyli, što ŭ mašynie paškodžany bampier, pabita bakavoje škło. Hrošaj ź mianie kiroŭca nie ŭziaŭ ni za pajezdku, ni za škodu, — kaža chłopiec. — Ja vielmi ŭdziačny taksistu, tamu što kali b nie jon, to nieviadoma, dzie b ja ciapier byŭ.
Zaraz, paśla ŭsiaho taho, što adbyłosia, chłopiec vielmi choča znajści kiroŭcu taksi, kab kampiensavać jamu pryčynienuju škodu.
Ciapier čytajuć
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski22
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2424
Kamientary