Kandydat u prezidenty ZŠA ad Demakratyčnaj partyi Džo Bajden ŭ piatnicu papraknuŭ prezydenta Donalda Trampa za toje, što jon nie vykazaŭsia ab padziejach u Biełarusi, dzie, pa jaho słovach, kiruje «dyktatar».
U zajavie, dasłanaj pa elektronnaj pošcie ahienctvu Reuters, Bajden staŭ na bok demanstrantaŭ «mirnych vykazvańniaŭ svabody» i patrabavańniaŭ novych vybaraŭ.
Bajden, były vice-prezident i staršynia sienackaha kamiteta pa mižnarodnych adnosinach, u jakoha byli žorstkija sutyknieńni z Rasijaj z-za Uschodniaj Jeŭropy, taksama nastojvaŭ na vyzvaleńni niekalkich nazvanych lidaraŭ apazicyi, jakich jon nazyvaŭ «palityčnymi źniavolenymi».
«Tym nie mienš prezident Tramp admaŭlajecca vystupać suprać dziejańniaŭ Łukašenki ci prapanoŭvać svaju asabistuju padtrymku prademakratyčnamu ruchu», - skazaŭ Bajden. Cikava, što proźvišča Lukashenka jon napisaŭ u biełaruskaj transkrypcyi.
Raptoŭnuju inaŭhuracyju Łukašenki ŭ sieradu Bajden nazvaŭ «fiktyŭnaj cyrymonijaj».
«Prezident, jaki chavajecca ŭ strachu ad svaich ułasnych hramadzian, jaki admaŭlajecca pryniać volu naroda, — heta prykmieta słaboha, nielehitymnaha aŭtakrata, a nie mocnaha lidara», — skazaŭ Bajden u svajoj zajavie.
U svajoj zajavie Bajden paabiacaŭ «abaraniać našy demakratyčnyja kaštoŭnaści i padtrymlivać tych, chto ich padzialaje», ale nie staŭ padrabiazna apisvać palityčnyja kroki, jakija jaho administracyja raspačnie ŭ dačynieńni da Biełarusi.
Ciapier čytajuć
Jak u halečy śpivałasia radnia Łukašenki? Małaviadomyja fakty30
Kamientary